لحظه،

[سلطان الحضبي]

الحمام اللي من الفرقـا يجـر الحونـه=قمت أجر الصوت مثله والعرب يوحوني

لحظة أفراق الحبايب لحظـةٍ ملعونـه=يدري المشتاق والسالين مـا يدرونـي

راحو أحبابي وفرقا غيرهـم مظمونـه=كل ما قلت اعتدل وقتي يزرد أطعوني

يالقمر كانك تشوف الزين قل وش لونه=انشدك وش لون حيٍ مانشد وش لوني

الملاك اللـي ملايكتـه وراه ودونـه=ردني دونـه شياطيـنٍ وراي ودونـي

أحترق وأموت وأحيا في سواد أعيونه=وأعتبر نفسي وأنا صاحي معه مجنوني



{} سلطان السبيعي {}