نجم ونجم،

[سلطان الحضبي]

من يبي له تمر من عند مصاص العجم=ذاك مثل اللي يبي له برادٍ من جحيـم

كل ما قلت أنتهى الظلم ياوقتي هجـم=وأن رجيته زاد ميله لكـن الله كريـم

وكل ماقلت أنتهى الدمع ياعيني تجـم=والله أعلم دمعها أفراح والأدمع ظيـم

كل شي له حجم ياكود شي ماله حجم=جرح قلب معذب الناس بأمرٍ مستديـم

بان نجم وغاب نجم وبقى نجم ونجـم=غيرهن فالليل مالي نديـم ولاخصيـم

يلعب الهاجوس في وسط قلبي منسجم=غلغله ما بين ركبه وكف وسين جيـم



{} سلطان بن مقعد الحضبي السبيعي {}