طعنة ... وخــــذلأن..!!

[غرام القوافي]

بسم الله الرحمن الرحيم






أجرح وزود القلب طعنه و خذلأن= وأذبح فؤاد اللي يحبك ويغليك
اسلك دروب الصدق تلقابها اوطان =وأعرف مفاهيم الشعر قبل أحاكيك
طبعك غريب وخصك الطبع يافلان = دون الخلايق ..عارفه كل مباديك
تبغي الصراحه خوذ جدي من الأن = ومفهوم شعري يابعدهم بياليك
ضنيت عندك تنتهي كل الاحزان = وتصون قلب ٍ تاركه بين اياديك
هاذي دموعي تنتحر فوق الاوجان = تبكى غرامك يابعد روح مغليك
هانت عليك أيامنا والذي كان = وعيشت قلبي في رجاوي وتهاليك
الصبر طول والفرج مابعد بان = برحل حبيبي ياعسى الله يهنيك
وبيع ودك للذي فيه هيمان = عل الذي تهواه ياخل يشريك
اليوم راجع تعترف كنت غلطان = تشكي هموم ٍ وسط جوفك تصليك
ترسل حلوفك والندم بين الاعيان = وأشوف ذل الكون بالقلب يمليك
لا وحسافه حبنا صار ذبلان = راحت أمانينا مخاصم وتشكيك
عيشتني بغيره وعايش بحرمان = وطفيت بيدك شمعتك في لياليك
لوقست حب الكون كله بميزان = حبك يجي اكبر ولا اقدر أخليك
بس أصراحه قلبي اليوم زعلان = حالف قبل يرجع لزم ٍ يربيك
تؤمن وتقنع مالك اليوم خلان = غير الذي (ع) الروح ديم مبديك
هذي بيوتي يابعد كل أنسان = تشرح لك الخافي وكلي أنا افديك
اجرح وزود القلب طعنه وخذلأن= وأذبح فؤاد اللي يحبك ويغليك