الحداثة،

[سلطان الحضبي]

أسعد الله أوقاتكم ،

بدون مقدمات آمل أن تعجبكم ،،،،،



أراقب إنجوم السما فـي سماهـا=وقتي لهد كبدي وقلبـي وسمهـا

ذايق طعم سود الليالـي وماهـا=ولا أثق بها مثلي مثل من فهمهـا

أغلب إقلوب الناس تنزف إدماهـا=ماتشتكي حسبي على من ظلمهـا

إنفوس هلكا يابسه مـن ظماهـا=من حر ماذاقـت توقـف نسمهـا

واهل الوفا مهما المقـدر رماهـا=تصبر ويبقـى للمكـارم كرمهـا

والجاهل اللي رايحٍ فـي عماهـا=نفسه عن أدروب الخطى ما فطمها

أما الكفوا لا قـال كلمـه حماهـا=وكل لأمور اللي تخصـه حسمهـا

لاشك دنيا البين يطحـن جماهـا=تقبض مخالبهـا ويذبـح لغمهـا

أفنت إشيوخٍ ينومن0في احماهـا=بيض الوجيه اللي نقيـه اذممهـا

وأفنت سلاطين البشر وعظماهـا=صيـور لـذات الليالـي ندمهـا

ياهل البيـوت النـادره وعلماهـا=ياللي حفظتـوا للقصايـد اقيمهـا

أنتم نظمتوهـا مثـل مانظماهـا=جيلٍ تربع فـوق عالـي هرمهـا

منكـم تعلمنـا وهـم علمـاهـا=لكم فطاحلة الشعـر ذي اشيمهـا

كـل الروائـع دمهـا وانتماهـا=منا وياجب حفظها عـن غشمهـا

جيل الحداثـة للأسـف حطماهـا=الكـل منهـم يعتـزي ويهدمهـا

دكوا قواعدهـا وهـدوا غماهـا=وشالوا بيارقها وحطـوا علمهـا

فرصة زمانـاً تايحـه واغنماهـا=والصحف فاتحةٍ لمن هـب فمهـا

كثروا زباينهـا وكثـروا نماهـا=وتوافقـت بفكارهـا مـع قلمهـا

تبجحـو عرجانهـا وعسمـاهـا=تبداء السذاجه بالملـل وتختمهـا

معالم إتـراثٍ أصيـل إعدماهـا=ولازم نحفّظ اللي بقـى ونهزمهـا

ونقول كلمة حـق لـو اكتماهـا=إتراثنا فاعلـى معالـي إقممهـا

جزل القصايد غصب تبقى كماهـا=لصحابها ربي لهـم مـا قسمهـا

كل الأمم تحفظ إتـراث إقدماهـا=وتصون لهجتهم ماهيب اتهضمها

ياكيف نرضى إنا نصير آخصماها=ونقـوم نرفـع للحداثـه قزمهـا

قصدي حداثة فكر حيث اسقماهـا=أعقولهـم مـا ينتعالـج ورمهـا

وش لون نقبلهـا أمانـه هماهـا=غسيـل لافكـارٍ تـردت أهممهـا

عمي القلوب وصمهـا وبكماهـا=الله عن إدروب الزلل ما عصمهـا

والأ الحداثة بالوصـول الزماهـا=ناسٍ تصيـغ المفـرده وتخدمهـا

حداثة العصر اللغـه واحشماهـا=ربـعٍ تبيّـن بالأصالـه سهمهـا

لغة عصر على التراث ارسماهـا=أهل الجزاله مابـه أحـدٍ شتمهـا


{} سلطان بن مقعد الحضبي {}