في خانة الأموات،

[سلطان الحضبي]

ياهل الحسد لولا حسدكم نجحتوا=بس الفشل حليفكم من حسدكم
يالفاشلين بما حبلتوه طحتوا=ونار الحقد تشتب فيكم وحدكم
ربحت وانتم كلكم ماربحتوا=شفت السعد وانتم فقدتوا سعدكم
فرحت وانتم كلكم ما فرحتوا= من لوعة الحرمان دايم مددكم
قمتوا لتحطيمي وجيتوا ورحتوا=في خانة الآموات يكثر عددكم
غنيّت وانتم يالمساكين صحتوا= صيحة خساره والندامه سندكم
ياضعاف الآنفس للجميع انفضحتوا=فضيحةٍ لعيالكم من بعدكم
إن قيل شعري في غيابي قدحتوا=وشعري يقريه الحكيم إبلدكم
وأن قيل شعري في حضوري مدحتوا=ياهل النفاق الحقد شرّه ضهدكم
لاصرت غايب بالنمامة نبحتوا=ياهل الظلايم عند ربي وعدكم
نجحت وانتم كلكم ما نجحتوا= صار الفشل حليفكم من حسدكم



{} سلطان الحضبي {}