صفق الأمواج:

[سلطان الحضبي]

يافارضٍ في خمس الأركان حجه=ياللي تبدل حزة الضيق بفراج
افرج على قلبٍ اهمومه ترجه=من حرها كنه يقلا على صاج
يا الله من يشكي لك الحال نجه= وجعل له امن الكرب والضيق مخراج
والا أسرع ابموته لو ايموت دجه=قدام ما يلجا للأنذال محتاج
يلجني عن لحظة الهدو لجه=لجة غرابيلٍ على كل منهاج
ويسوقني عن راحت البال سجه=سجة هواجيسٍ تسبب لي ازعاج
اروح ابى اقضي لازمي واتوجه=في دربٍ آخر من تفاكيرٍ افواج
مبطي وانا ياسي بالأمل اهجه=واخفي أموري عن منافق وهراج
زجاج زج الكاس بالثلج زجه=يمكن يطفي لاهب الصدر لاهاج
اما ينسيني اهمومٍ ملجه= والأ يخليها مثل صفق الأمواج


{} سلطان الحضبي {}