التوبة،

[سلطان الحضبي]

نجوم الفلك الكرام
تحية طيبة
أمل أن تعجبكم،،،




مل منهـو هاجسـه قـام يلعبـه=من كثر ماجاه مدري من إذنوبـه

نار قلبه بيـن الاضـلاع مشتبـه=بار إبه حظـه والأقـدار مكتوبـه

كـل دربٍ راحبـه ليـن جربـه=بالنقا00والطيب زاده ومشروبـه

الصحاري طافهـا والبحـر طبـه=والمدن جاهـا ولا نـال مطلوبـه

ما تهنى حسبي الله علـى السبّـه=صار من كثر الهواجس في غيبوبه

واهني من سج الأقدام مـع خبـه=في صياهد نجد يمشي على دوبـه

يقطع الوادي ويطلـع علـى تبـه=ذي منية مغربلٍ ضاق بـه ثوبـه

لاسطع نور القمر والهـوا هبـه=لحظةٍ تسوى مدى العمر محسوبه

فيه نـاس إقلوبهـا كنهـا صبـه=والنهايـة كـل الأنـذال مغلوبـه

الردي مهمـا فغـل كـلاً يسبـه=لوتظاهـر بالوفا0بـان عذروبـه

فالسعه يذبح ويسلخ وهـو دبـه=ساعة الشدات يجمد كما الطوبـه

يرتجف قلبه ليـا شـاف سحلبّـه=يحسبٍ الداب قرط فـي عرقوبـه

الكـلام يطـول والمقصـد اللبـه=الرجل يبعد عن العيـب ودروبـه

قاله اللي يطلب العفو مـن ربـه=يغفر إذنوبه ويقبـل لـه التوبـه


{} سلطان الحضبي {}