(( إلى متى وحنـّا نصيح بصوت والساعـد كسيـر )) مصافــحه جديده لقلوبكم ...

[محمد سليمان]

{ السلام عليـكم ورحمة الله وبركاته }

أسعد الله جميــع أوقاتكم بالخير والمحبه ... بــعـد غياب وإنقطاع أصافح قلوبكم الطاهره
بمتواضعتي ... أتمنى أن أجد لها القبول والرضى في صدوركم الرحبه ...

بالرغم من إختلاف الأزمنه وتعدد الأسماء وأختلافها ...

أساتذتي الكــرام .. إليكم متواضعتي ...




عمر الشعر ما وكّل الناس الخبز وأغنى الفقيـر = عمر الهوى ما فاد قيس ولا فلـح بـه عنتـره
أقفى زمن يفخر بأبو الطيّب وأبي سلمى زهيـر = زمن وتفخر بـه كتـب وحنّـا نزيـد الثرثـره
تستاسع آفاق الحطيئـه والفـرزدق أو جريـر = وإن ضاقت آفاق القلم يضيق صـدر المحبـره
تعبت وأتعبت الورق والجرح أوجاعـه كثيـر = ملّيـت ألملـم مـا بقالـي والزمـان يبعثـره
كن ما خُلقنا في الحياه إلا على الحلـم الكبيـر = وحنّـا خُلقنـا للعبـاده مـا خُلقنـا منـظـره
الأب يسعى لين يشقى والولـد يلبـس حريـر = ولامن قوى عود الولـد رجـع لأبيّـه ينهـره
لحظة تشتّت فـإنحدار الوضع ما قبل الأخيـر = سدل الستار على كواليـس الخفـا مـا تستـره
روحوا أسئلوا العقّاد عن سراج أمّتنـا المنيـر = كتـاب يتكلـم لسانـه عـن زمـان العبـقـره
مرّات اقول ان المطر ما دمت أسمع له خريـر = لازلت حي ومرّات اقول يا شيخ خل البربـره
يا كُندليزا رايس ولا بـوش يالقـرد الصغيـر = يا جاك شيراك المنسـم يـا رئيـس المسخـره
هذي تركّد ذاك يشوت ويجـي يبررهـا بليـر = هدف ولو أنه تسلـل برغـم أنـف الجمهـره
والإعتداء الغاشم اللي نشجبـه أعمـى النظيـر = وحنّا على حطة يدك نحسب حساب المسطـره
يصير؟ لالا ما يصير .. يصير؟ لالا ما يصيـر = تهدر دماء المسلميـن علـى يديـن امهستـره
سلام يا طارق ابن زياد وموسـى بـن نصيـر = ولا صلاح الدين الأيوبي في عصـر المفخـره
يا قلب مكّه روح يثرب مدمع الأقصى الغزيـر = جسد ويشكي به عضو باقيـه يطاولـه اسهـره
إلى متى وحنّا نصيح بصوت والساعـد كسيـر = وإلى متى وحنّا كـذا لأستفزعـت فينـا مـره
والأم ترجي من سنـة تسعيـن ينفـكّ الأسيـر = ما انفكّ حتى ان الأمل لا مات تخشـى تقبـره
أكتب على الدنيا السلام مادام صاحبنـا سميـر = يقتل ولد أمّه وأبـوه سمّـار لجـل السمسـره
من يترك الموكيت متعفّف ويرضى بالحصير؟؟ = غير الفقير اللي رضى بالحـال ويزيـد افقـره
يوم العشير يبيع ما يملك علـى شـان العشيـر = صرنا نخاف امن الفقير علـى ريـالٍ نخسـره
ما عاد في هالوقت خير ولا في كثر الهرج خير = مـرّات يجبـرك الزمـن تناظـره وتستحقـره