حد الرقابه ((( الـنـــــــــداوي )))

[عبدالرحمن الميموني]

السلام عليكم


أخــواني للتوااااصل

>.><.<



الضيقة اللي تجبر الرجل ويتوه=تعم الشجاع وتخلفه عن صوابه
صحيح راع الطيب يا طاه مشروه=ياتي من اللي مايشرف جنابه
اليا بغا لطيب قامو وحدوه =كنه غشيم وضايعن في شبابه
وأكيد بعض الناس بيقول معتوه=وأني مطالب في حدود الرقابه
يالآ يمي ماني مع الشين مشبوه=ولآعشت في جو الغدر والنهابه
ولأمشى مع العالم تقل حال مسبوه=ولأ طعن قفا الرجال لحظة غيابه
ولأرضى على المسلم مذله ومكروه =لو هو عليه حد ضرسه ونابه
أعامل أهل الطيب طيبن يودوه =واهل الردا كلٍ على الله أحسابه
لكن علي الوقت ناس تولوه=وأصبحت غادي فى زمان الكأبه
أن قلت قول الحق منى تناسوه =مافيهم اللى رد لي بالأجابه
وان جا الخطا منى على الضلع حلوه =وكلن عليه سل سيف الحرابه
يسعود قل للى بى الشين حطوه =والله لياتي يوم فيه إنتجابه
لكن على قول المثل هيه مشوه =أبدمح التجريح لين إلتهابه
ماهمنى هرجن ورايه يقولوه =ناسن خلآف الرجل مثل الذيابه
واليا لفاهم يمه الطيب بدوه=وكلن هتف بالصوت يامرحبابه
وانا اعرف اللي في قفايه يعدوه=واعرف قلب الرجل واللي نوابه
يسعود هذا القاف صدره علي أوه=والعجز جبته ياصحيبي على أبه
والقصد واضح ما نبا الناس يطروه =تدري وغيرك غادين ما درابه




وسلامتكم

..

http://www.moq3.com/img/up112007/syC11109.gif

..