بيض الأوراق (( غزليه ))

[عبدالرحمن الميموني]

السلام عليكم

لكم هذه الأرشيفيه

.,.,.,.,.,.,.,.,.

.,.,.,.


سر يا قلم سطر على بيض الأوراق=من خاطـرٍ بالشعـر كيّـف وروّق
بنـات فكـره يدحمنـه لـيـا راق=وأجزل بيوت الشعـر يمّـه تشـوّق
ترجم هواجيسٍ ربت وسط الأعمـاق=ومن دافع أهمـوم المحبـه تحـوّق
بأسباب من جدد مداهيـل الأشـواق=غنـدورةٍ وسـط الحويـه تـسـوّق
صادفتها بين المواقـف والأسـواق=قلـت أرحمـي حالـة رديٍ تعـوّق
وردّت علي بنظرةٍ تحـرق أحـراق=خلّة ظميـري عـن طريقـه يتـوّق
ثم أضحكت ضحكه وانا جاني أرهاق=ومن ريقها ياسعـود كنـي مـذوّق
وقْفت وأنا قلبي بـه الهـم ينسـاق=حتى عـروق القلـب منهـا تـروّق
راحت وأنا من نظرة العيـن منعـاق=كني من أكبـار المصايـب مطـوّق
شلّة حياتـي وأشلعتنـي بالأشفـاق=وشدة عروق القلب والحـب طـوّق
غندورةٍ فيها الحسـن كـل مـا لاق=سبحان مـن بالخلـق جـاد وتفـوّق
ما أقول غير الله يعين أهـل الأذواق=ويعين قلبٍ في هـوا البيـض تـوّق


.,.,.,.,.,.,.
.,..,.,.,.

وسلامتكم

تحياتي

واهج الشوق