مصافحه أولى..أرجوا أن تنال الإعجاب

[تركي الصخري]

أعظم الشعر . وأعظم الكلام عموماً. ما كان في تمجيد الخالق سبحانه وتعالى
وهذا مجالسي . هو أقرب ما كتبت إلى نفسي .وأقوله أينما كنت
وأتمنى أن يحوز على رضائكم .وأن تكون لهجته واضحه بالنسبه لكم


بسم الله الرّحمـــن في بادي القــيل=اللــــي بنــــــــا بيـــته ودمّــــر هل الفيل
وأرسل علــيهم سرب طير الأبابيــل=بإحـــجار من سجّـيل ترمي على أعداه


اللي حفظ (يونس) بحفظه من المـوت .=من عقب مــاهو في البّحر في بطن حوت
لا شايف ٍ زول ٍ ., ولا ســـامع ٍ صـــوت=سبــحان مـن قــــدّر نجــــــــاته . وناجاه


واللي حمى (يوسف) بعد حزن (يعقوب)=رموه جـــــوف البير والعمر مكتوب
وعــــــــوّدوا لآبـوه بالــــدّم فــي الثــوب=قالوا غـــــدرْه الذيب .والذيب ما جاه


واللي نصر (موسى) بــعد بيّن الحق=خلا عصاه اتشــق عرض البحـــر شقْ
حتى عبــــر ثـــــــــــمّ ٍ .بعــدْها تطبّق=علـــى عـــــــدوْ الله ومـــــن كان وآلاه


اللي برى لـ(أيوب) ممّــــا سطابه=عبد ٍ صبــــــــر للسّــــقم.يــــوم ابتلابه
فآخر مرضْه الدود .قالـــوا مشـابه=وحزّة دعــــا مـولاه .شـافاه ., وأبراه


وجنّب (إبراهيم) حاظر ســــببها=ناراً هـلْ السيّـــات دنّــــــوا حطبْها
حكم عليــها .مايجـــي له لهبْها=برد .وســــلام.اتعاظمــــت قدرة الله


وآمن رسوله .هو وأبو بكر في الغار=يوم الــــعدا.حاطـــتْهم ايمين .وايسار
ضاعت بصايرهم ., وعمينْ الأبصار=ما واحداً منهـــم نظــــر حدر ماطاه!!


اللي يريده .خالـــق الخلق بيكون=مــــقدّر الأقــــــدار .بالـــــــكاف.والنون
فرداً صمد. ما يعجزه شـي في الكون=ولا يشـوف الضُــــرْ من لاذ بحـــماه


خالقْك يا الإنسان مـولاك .من طين=ومجمّل ٍ صـــــورتْك بالخــشم., والعـين
وألهمْك فكر ايمـيّز الزين .والشين=هذي النّعم .من بعـــــــدها كيف تعصاه ؟!


منزّل الما.مـن بعـيد الســحابي=يسقي الديار المسْــــــــــنيه والهضابي
حتّى تخضّــر يا بسـات الروابي=ما شــي بيحْــــيا لو حبــــس عنّنا ماه


سبحانه اللي خالق أشكـال,وألوان=اللي عـلى رجلــــين .واللــــي بجنـحان
في كل شي .عبره عظيمـه للإنسان=من حـــــازها ماظــــن.يتــــــعب فدنياه


وإختامها.صلّوا عى سـيّد الناس=شفيـــــع الأمّه يــــوم الأريـــاق يبّاس
إعداد .ما قد .خطْ حبر ٍ فقرطاس=وإعداد نـاس ٍ عقــــــــب ما خـطْ تقـراه
تركي الصخري