ديـــــــــــــــار الشــــــــعر

[تركي الصخري]

هذه القصيده . تتحدّث .عن اقليميّة الشعر .بمعنى إنتمائه .لمكان بعيّنه
في حين أنه لا وطن للشعر .سوى روح الشاعر المبدع ..كما تتحدّث عن كثير من اشكاليات
الساحه الشعبيه..... أرجوا أن تنال إعجابكم

لاتسمّولي ديار الشعر ما للشعر ديره

...........................القصايد جذْرها في الروح مـــــاهو في الثرى

والشعر لا تحسبونه في مكانٍ دون غيره
...........................كل ديره ينلقي فيـــــــها عوارف .,واشعرا

فالجزيره فيه شعر,وخارج احدود الجزيره
...........................ينظمه من كان له وجـــــدان واعيونٍ ترى

داركم منّا وفينا .ما كتبت النقد غيره
.............................بس ما نرضى تعـــــصّبنا يرجعنا ورا

ليه تشغلنا تفاهات التفاصيل الصغيره
............................عن زمانٍ فيه حال الـــشعر بالحيل اهترى

خلوا .التجديد, والتجريد,والتعقيد سيره
.............................كل شاعر باع في جملة مــــفاهيم وشرا
.
بعضهم تلقى فوزن ابياته اكسورٍ كثيره
.............................مير في بحر( الحداثه ) من يدقــــق لا قرى

يطعن الغيم بسراب الاال!!وايحيررْك حيره
.............................يرمي الكلمه وهو والله عنـــها ما درى

في زمان العولمه( حرّابٍ.) و ( فارس عشيره !)
............................مولع ابوصف المغازي .والنـــهار الأقشرا

كلٍّ يقول ( التميّز) هذي الكلمه خطييره
.............................جرحها الي في حنايا الشــعر يبطي ما برى

التميّز شي غير ( السفسطه ) كلمه كبيره
..............................يعني لو قلـــنا ( التفرّد) من تميّز يا ترى؟!
ما أقدر آحدد ولاكن.شاعرٍ حاسب ضميره
.............................شاعرٍ روحه مع الهوجاس تسري لا سرى

والعفو .مانيب بيطار القصيد ولا خبيره
...............................بس شــاعر جسّد الواقع ولا آظن إفترا

وأرجع آكرّر على المعنى بعد مرّه أخيره
...............................كل ديــره ينلقي فيها عوارف واشعرا

تركي الصخري