جديد--((ياخساره كان من تعشقه ما حس فيك ))--

[مبارك الشهراني]

لاتصد من القدر واعـرف انه فيك فيك= ولاتقــول ان الـــزمــن هد حيلي وركبي
ولا تخيب ظن من في غيابك يرتجيك=الجفـــا والصـــد للقلـــــب نــــار تلهبي
ياخساره كان مـن تعشقه ما حــس فيك=ولا درى عن حاجتك وش تبي وش ماتبي
مادرابك يــــوم عانيت والموت بيجيك=ياخساره وين الاســـــــــلام والدم إعربي
كان ماراعى ظــــروفك ويـده مع يديك=قلد القنـــاص لاصـــار يقنص لـه ضبي
لاتحاول تشغل القلب مع هذي وذيك=الهوى له شخص واحد وصف المشربي
صادق يصون حبك وفي عينه مليك= مايتعذر عـــن مجـــيك ولـو يحبي حبي
واترك اللي ماتذكر جمايلك ونسيك= لو تعذر لك وقــال انت غالـــــي يكذبي
ودور اللي كل ماغبت يبقى يحتريك=مايبـــي غـــيرك وحبـــك سبا قلبه سبي
مثــل ماتبيه قلبـــه مثـــل قلـــبك يبيك= من كثر حبه بالاحساس يدري وش تبي
يعشقك وان غبت لو ساعة دور عليك=اشـــهد انه غايتـــي واشـــهد انه مطلبي


وسلامتكم


ابو خاااااااااااااااالد