صوت وصدى >>-(ابو خاالد -غريب العاااطفه)

[مبارك الشهراني]

تعآلوآ سآعدوني يآ أهل الخيـــــــــر:

رجع لي حلمي الغايب ونوخٍ في النظر مـاهـاب
............ وانـا في منتصـف دربٍ يوصلني لنسيانه
نصاني وانثنى عـزمي رجـع وانهارت الأعصاب
............ وحارت خطوتي في دربي المظلمـ على شـانه
نشدته وش طـرآلـه يومـ فارقني بدون أسباب
............ وش اللي حدّهـ وردّهـ عقب ما سن هجرانه
تلعثمـ بالحكي عنـدي وخـانـه دمعـة السكاب ..
............ غشآهـ الصمت في لحظه ودمعاته على اوجانه
تلاشي صوتـه الدافي ونظـراته وراهـا عتاب
............ قـدر يشغل مشاعـر عـاشقه ويهز وجدانه
اخـاف اعيد مـاضينا واجدد جرحي اللي طاب
............ واخاف ابعد عن الماضي واعاند نفسٍ ولهانه
واخاف اظلمـ عواطفنا واعدهـ في الهوى لعاب
............ وهو لي صافي النيه رجوعه كان برهانه
الا يابو خلود ضـاعت روابـع خـاطرٍ منصاب
............ وش الحيلـه ابي ردك يطمن نفس حيرانه
الشاعر: غريب العاطفه.
.=====



-(رد ومجاراة ابو خااااااااالد )-

سلام ومرحبا ياغيمة فيها المطـــــر صباب
........ عساها تسقي الضامي وتـــروي نفس عطشانه
عسانا بعد ماغبنا وعدنا مانصـــــير اغراب
....... عسى يشفع لـــــنا الماضي دفاء والناس بردانه
تنادي ياهل الفــزعه وانا اللي بخافقي شباب
............ من احــــوال البشر دنيا من الاحـــــزان مليانه
يعيشون البشر لجل الامل وتناظـــــر الغياب
............ ومن جاه الامل يفرح بصــــــير بيــــن عميانه
ترا الدنيـــــــــا لها متعه ولذتها مع الاحباب
.......... مع من يفرح بقــــربك ومـــــن تفــــرح بلقيانه
اذا كان المخايل صادقه والبرق بالسحـــــاب
............ فتبشر بالحيــا من بعد غــــــاب وغابت امزانه
واذا كانت سحابة صيف عجله وساقها هباب
............ سحابة صيف مايفرح بها الــــــزارع وبستانه
عزيز النفس مايدخل يكون من اوسع الابواب
.......... ولا يقبل يهين النـــــفس والمعـــــروف عنوانه
نعيش بحلم والدنيــــا بها صـــادق بها نصاب
....... وبها نـــــــاس بــــلا ذمه وفيها نــــاس خوانه
نعيش ونذكر الماضي ونسجـــل حلمنا بكتاب
............ ونعيش الواقـــــع بـواقع ولـــو تتغــــير الوانه
فرحنا فرحة الضامي يشوف الماء وهو سراب
............ ونمني نفس ماترضى تعـــــيش العمـر منهانه
نصيحة شــــاعر راسه من الدنيا شباب وشاب
............ نصيحة واحد جرب وطاف الارض بحصانه
قبل مانبنـــي الخيمه لـــــزوم نثبـــت الاطناب
............ حبـال الطيب واوتــــاده وفاء والعــز عمدانه
يقولون الهواى موضه مع الايام صار اعجاب
............ وراح الحــــب وايامه تغــــير وانقضى شانه
تغير وقتنا الماضي يصيح ويبـــكي الضراب
............ قريب اقر من الخـــلان تشوف الغدر باعيانه
يبين لك وفا قلبه وهـــــو مــــن داخله كذاب
............ ولا بين لك الخــــافي وحلو القـــــول بلسانه
يغدرك لــــو تبسم لك وبين لك بيــــــاض الناب
............ فلا تنغــــر في زوله ولا فــــي صفة اسنانه
توافق في زمان العلومه مابين السيف والمشعاب
............ تطورنا ســبب الاشكال بين الرجل واخوانه
نقدر بالوفاء العاشق ولو دونه جبــــل وهضاب
............ قلــــوب مابها ميــــله مع الايـــــام خسرانه
بني يعرب بهم نخــــــوه وتجمع بينهم الانساب
............ تبشر وابشــر بعـــــــزك على الايام عوانه
عليك تحدد الشـــاره وعنــــــدي للهدف شباب
............ ولو طال المداء خيلي سبوق وبيدي اعنانه
فداك المال والرجال فـــداك الخل والاصحاب
............ على شــــــــانك نضحي بالبلد ونبيع سكانه
وسلامتكم
ابو خاااااااااااالد