جديد --(( الله كــــريم وللمخالـــيق ســــتار ))--

[مبارك الشهراني]

--(( الله كــــريم وللمخالـــيق ســــتار ))--

الاحذار ماتمنع مــع الوقت الاقدار=لابد مــــن وقــت تصــــيبك بلاويه
الوقــت لو يصدق ترا الوقت غدار= الوقت لو يصفي تخـــونـــك لياليه
النـــاس مســــتوره وللعالم اسرار= وسود الليالي سر الاجواد تخفيه
كم واحــــد ســــره معه داخل الدار=لو ينفضح ســــره يلومه مواليه
الله امـــر بالســـتر للضيف والجار=ومن لايحب الستر مفضوح طاريه
الله كــــريم وللمخالـــيق ســــتار=كم واحد مســــــتور ذنبه يباريه
ياليتني ما اسمع عن الخاين اخبار=يالعــنبو الخايــن وقلـــب يصافيه
مايكسب المعروف يكون الاحرار=من يعتزي فيهم عن الناس تغنيه
الوقت خـــان ومابقى فيه تذكار=والوقـــت فرق بين غالي وغاليه
لو تنشـــد العراف ويش الذي صار=تفتيك عن ماضيك واللي حصل فيه
تــــرا الزمــــن لو زان يفلان دوار=تلف مكـــرات القدر لــــــين تطويه
كم واحد عاصــــي يدور للاعذار=الله يــــزيده لــــين تكــــثر معاصيه
ياما انصحوه اهل المعرفه والاخيار=ويامــا دعينا له عســــــى الله يشفيه
مايعترف بالذنب ويــزيد الاصرار=لامانصحته كــــن ماشـــــــي يعنيه
مايـــدري ان الله قــــــــادر وجبار=ومايــــدري ان الله بالكـــــــبر باليه
الله يشوف العبد لــــــو دونه جدار=والله مـــايخفــــاه ســــــــــــر نخبيه
المسلم اللي يطلـــب الله بالاسحار=قبل الفجـــــر يظهر مـع الله يدعيه
اللي يسبح في الخفاء سر وجهار=بينه وبـــين الله محــــد ســمع فيه
هذاك فــاز ومسكنه بين الابرار=في جـــــنة الـــفردوس والله يهنيه
ياما على شـــــانه تعنيت مشوار=يفرح به الطارش ويفرح مخاويه
هذاك له حشـــمه وقيـــمه ومقدار=يفديه من لاقــدر الطــــــيب يفديه
استغفر الله قبل قصاف الاعمار=واســـتغفره عــن كــل ذنب نسويه
الله كــــريم وهادم عز الاشرار=والجاهل اللي مخطي الدرب يهديه
وصــــلاة ربي عد مامر مرار=على حرم مكه وبيته ومن فيه
وعدد حجيج البيت من كل الاقطار=وعدد حصى مكه ومن جاء يلبيه
على النبـــــــي إعداد ماطاير طار=صلاة ربـــي عد فـــرض نصليه



وسلامتكم

ابو خااااااااااالد