(( قالت وداع وســـــــلام الله وامان الله ))--

[مبارك الشهراني]

من قبل ما اكتب قصتي واتكلم= ومن قبل ما ابدا في حروف الكتابه
ابيك يالجاهــــل تشــوف وتعلم=وتشوف من جرحه عطيب صوابه
وتشوف من روحه وقلــبه تالم=وتشوف من عاش الهواء واكتوابه


من قبل ماصـــــب فنجالــــي من الدله=واسوق فــنجالها واشـــكر مسويها
واخذ بعرقوبــــها واســــحب من المله=واخلي الجمـــــر من حره يصاليها
ومن قبل ما اعاتب المخطي على الزله=ومن قبل ما انشده لـيش انه يسويها
ومــن قبـــــل هذا وهذا داخلـــــي عله=العــله اللــــي تتـــــوه مـــن يداويها
اســــبابها قلبــــي اللــــــــي فاقــد خله=والقلب يشــكي من الفرقا وطاريها
يـــوم ابتعد مـــن ملك قلبـــــي ويحتله=وابعد عن الدار واللـــــي ساكن فيها
حسيت بالمــــوت والحقــــــران والذله=وحسيت بالحـــــزن وادور واناديها
واسير مـــن غـــــير قلب وروح مختله=واصبحت تايه ولا اخذها ولا اعطيها
قلبي عشق زولهــا واصـــبح كمـا ظله=لـــو خلــته حـــالف انــــه مايخليها
قالت وداع وســـــــلام الله وامان الله=واقفت واناعيني من الحـزن تبكيها
قفت وخـــديني مــــن الدمـــع مبتله=والحزن خيم على نفسي وغاشيها
قالــــــــت انا راحله والراحل اذن له=وتراعي ظـــروفه اللي عايشه فيها
الراحــــل اللــــي يزيد البعد في غله=وظــروفه القاســـــيه لازم تراعيها
تقـــــول هذا القدر يافـــــلان وفطنله=الاقدار محد يعــــــارضــها ويثنيها
مالك يكون الصبر والفرض قم صله=واطلب مـن الله عسى نفسك يقويها
قلت العفو يابعد عمــــري ويامن له=انا عشــــقت وليالي الحب ساريها
ابقى على ذكــــريات الشوق حبله=واحـــلم بـــعد مافقدت اني الاقيها
هذا وانا عارف ان المــــوت فــي حله=واحدث النفــــس بالشـــوفه وامنيها
قضـــيت معـــها ليــــالـــي كلـــها فله=غـــــير البلا ما لحقنـا يكون تاليها
مادامت افــراحـــنا بطـــــراف منشله=حرام الاحـــزان تســرقها وتخفيها
لاتامـــن الوقت ليش الوقـــــت تامنله=الوقـــت لــو تامــنه نــاره تقاسيها
الوقت فــرق الاحبـــه واحرق الحله=وكواني الوقـــت من ناره وسانيها
لاحـــق علـي الحطب دقـــه مع جله=واحرق حبال الرجا وانها حراويها
حتى طـــريق الرجــا ماعـــاد نندله=واخطيت درب يودينــي لا اهاليها
والمفــــرق اللــي يـــودي بيته ازله=من كثر ما ابكيه دمع العين يعميها
والعمر مــــن بعدها يــاويش باقيله=راحت وقفت وانا مـــــاني بناسيها
يوم انتهى الوقـــت كــن بخافقي تله=اقفت وانـــا دمعتي بالــــعين تسقيها
اقفت وانـــا زولهــا بالحـــيل شفقله=تمشـــي ونا خافقــــــي معها يباريها
اتخـــيل انــــها تكلمنـــي وهــي لله=ماهي بحــــــولي بعيداتِ اراضيها
دمعــي من العين لجـــل الغالي اهله=أي والله ابكي واصيح وليش ما ابكيها
هي غايتي هي بعد عمري وهي كله=هي دنيتــــي والحيـــاه وكـــل مافيها
هـي عالمي والصــــــبر والله ما مله= هي منيتــي وغايتــــي والعمر يفديها
ابقى علــى عهـــدها والقلـــب راجله=ماخـون عهـــــدي لها واموت مغليها
واكتب بها الشـــعر واغني بها الشله=وأنظّم احلـــــــى القصايد له واغنيها
وابقى على ذكــــرها هلـــه ورا هله=لو ينقضي العمـــر كله خاطري فيها
ياواصـــله بلغـــه بوصــــاتي و قله=وقله تــــرا ذكــــريـــاته نحتفظ فيها
والله منســــى هـــواها واتجـــــاهله=ياكيف انا انسى مـــــلامحها ومافيها
ياكيف انا انســــى وانا اللي فاقد دله=لوهي بعيده فهي عنـــــدي واحاكيها
تعيش فـــي داخلـــي والقلب خال له=مايســـكــــنه غـــيرها والله معطيها
هي لـــي كما الغمد وانا له كما السله=الســـله بــــدون غـــــمد يمــل قانيها
ماعاد لــي طـــاقة فـــي حملي اشله=النفـــس تشكي الحزن والهم طاويها
تقــــــول ماعندي الا الحزن فاضله=وابليــس لاما اســــتلم للنفس يغويها
لو تنزل من السـماء واموت ماصله=هذي حقيقـــه وعــيب انــي اداريها

وسلامتكم

ابو خاااااااااااالد