()() بنت الشــــيوخ ()()

[سعد المسعودي]

للجميع ... كل عام والجميع بخير ..

هنا .. نص شعري .. كتبت قي 1/1/ 1429هــ ..

أهداء للقلوب الطاهره ..



علم ٍ يراودني مثل حل الألغاز = دورت أله حل ٍ عن الناس وأحتال

الصعب حله سهل وإن جيته أجتاز= وأصعب جواب اللغز من دون سؤال

يامن يفهمني .. جبل كيف ينهاز ؟ = والمستحيل إني رضيته على الحال

طالت وصمتي يكسره حاجز أعجاز = عن قولها بلسان ياضيقة البال

ياحايز ٍ قلبي عن الناس وأنحاز = الروح تسكنها وفالعين تختال

حبك جرى فالدم ماعاد يعتاز =غيرك ترى محد ٍ ملك قلب رجال

أنجاز قلبي يطلبك سرعة أنجاز = يامهرة ٍ ماعانقت كل خيال

بنت الشيوخ اللي على عز وعزاز= حماية التالي وذربين الأفعال

أصبحت قيدلي عن الناس وأحجاز = أعيش بك في باقي العمر رحال

غيرك من الخفرات فالحب مافاز = ولاحط له داخل الصدر منزال

حطوا على قبري ليامت مركاز = وخلوا ضحايا الحب عبره للأجيال

الحرالأشقر