غرك جمالك

[سلطان الحضبي]

أسعد الله اوقاتكم
من الأرشيف آمل ان تعجبكم ،،،،

رايح يجيلـك يـوم كـان الله احيـاك=تعيـد بالتفكيـر مـاضـي سنيـنـك

وتذكـر وفايـه لـك وتذكـر سوايـاك=وتقـارن التقصيـر بيـنـي وبيـنـك

وتدري انك المخطي وتعـرف خطايـاك=وتلقـى الحقايـق كلهـا قـدم عينـك

أخلصـت لـك قـدام تظهـر نوايـاك=وخليت ما املك فـي تصـرف يدينـك

تغلـط وتجرحنـي واجـي وتـرضـاك=وتزيـد بعنـادك مـواجـع حزيـنـك

تفرض كلامك واسمعه مقـدر اعصـاك=كنـي أسيـر ورحمتـه فـي يمينـك

الحـب سلطانـه ملكـنـي وخــلاك=تهيـن قلـبٍ مـا نـوى انـه يهينـك

لاشك: انا عزمت ابى اصبر وابى أنساك=كلـش تغيـر والدليـل أنـت ويـنـك

في مـا مضـى ماتلتفـت لا زهمنـاك=كن البشر رمشه علـى حجـر عينـك

واليـوم ودك قـرب هــذا وهــذاك=والنـاس تبعـد عنّـك حتـى ظنينـك

لـو تعتـرض فـي دربنـا مانظرنـاك=خلك علـى الذكـرى يسوقـك حنينـك

وانت السبب في كـل مابـك وماجـاك=فوايـد افكـارك شـقـاك و ونيـنـك

غـرك جمالـك مـع ملـذات دنـيـاك=ولا دام لـك وقـتـك ولا دام زيـنـك


{ سلطان الحضبي السبيعي }