صفوة أقريش

[سلطان الحضبي]

قصيده موجهه لي من لأخ والشاعر :
سعد المسعودي







أبدأ بإسم رب ٍ كفل لقمـة العيـش
الواحد المعطـي كفيـل المعاشـي
منشي حقوق المزن لقح ٍمراهيـش
وبأمره مقاديـم المـزون المناشـي
أزهم على مرو الكبـود المعاطيـش
مرو الكبود اللـي لحقهـا عطاشـي
اللي على المغزاء بعيد المطاريـش
مطفي لهيب النار في وسط جاشـي
سلطان يارأس ٍ كسبـت النغاميـش
رأس ٍ على النوماس والعز عاشـي
من ساس قوم ٍ ماتحسب المحاويش
ماحسبـت لربـاح جـل المواشـي
من ساس غلباء والرجال المداغيش
تصخي كرم للضيف حايل وحاشـي
حيث الشعـر مايكتبـه للمعاويـش
بإسمه يعيـش وعزتـه ماتناشـي
الشعر يشكي من زمان الشواكيـش
أمـا اللحقـوا مبنـاه ولابـلاشـي
ناس ٍ على عرشه تدق المهابيـش
ويجيـك قولـه لاحكـاه متـلاشـي
شكواه منها شوش الفكر تشويـش
والرأس من شكواه فالوقت شاشـي
الشعر وهبه مايجـي بالبخاشيـش
وإسم شهربـه فالشعركـف راشـي
ناس ٍ تهمش واقع الحـق تهميـش
بالصوت والصوره وطبعـة فلاشـي
وفي ساحته ضوى علينا المكاديـش
نسج الخيـال مجمعيـن القشاشـي
شكواه من شاعر وشعره على ويش؟
من السهل حّول على أرض العكاشي
والناصح اللي ينصحه قال له ليـش
أنت سعيت بقولهـا وأنـت واشـي
يصغي سموعه للقلوب المغاشيـش
من سودها بيض النوايـا غشاشـي
الحر يفـرق فالطيـور المرابيـش
اللـي تـرام القـاع ولاّ العشاشـي
الحـر طيرلاكفـخ بأشقرالـريـش
يحط في قلـب الخريشـه خراشـي
سلطان لوحطوا على الخط تفتيـش
ماقلت جاك وزبـدة الهـرج كاشـي
لاشك من بلـواه يشـك الدراويـش
بنيه عزاز وبنيهـم لـه هشاشـي
بنيت بيت ٍ شطرقافـه علـى إيـش
وأختم شطر بنيان بنيته على آشـي
ويالله تجنبني عن النقـد والطيـش
وأحفظ مقالي عن طويـل النقاشـي



رديت عليه،








بديت بسم اللي بعث صفـوة أقريـش
سبحان من يرجع بالارض النشاشـي
مجر الهبايب مخرج التمر من حيـش
سامع دبيب الـذر فـوق الحشاشـي
اجاوب اللي حوش الطيـب تحويـش
سعـد ولـد نايـف نزيـه المماشـي
ربعه عتيبه تتعـب الخيـل والجيـش
مامنهـم اللـي فالمواجيـب لاشـي
افعالهـم ماهيـب دس وتخاشـيـش
على النقـا فـي سلـم والا هواشـي
قلت الصحيح ومن زعل منه حتى أيش
من غير رب الكـون مانـي بخاشـي
لاهنـت يـاراع المواجيـب وتعيـش
وانـا معـك ضـد الليـال العفاشـي
اللي غثاهـا ينبـش القلـب تنبيـش
من واقـعٍ فيـه العـوارف اطفاشـي
يحش أملهم حـش زرع الحواشيـش
ولافيه عن غيـب الليـال انخشاشـي
دنيـاً سعادتهـا لمثلـي قناطـيـش
تحدنـا يــم الـوعـر والعتـاشـي
أرفق علي ياجايـر الوقـت بشويـش
قـدام تلزمنـي صدوفـك افـراشـي
والشوكه اللـي ماتجيهـا المناقيـش
عليـك ناتجهـا يصيـر امتـواشـي
أمـا زمـان العولمـه والخفافـيـش
يصيـب عقـال العـرب بنـدواشـي
لو قالوا أن الشعـر باقـي ولانيـش
وانـه بنهظـه شاملـه وانتعـاشـي
الشعر:والآ:مابـقـى الاعرامـيـش
وان ماحفـظ باقيـه جـاه انقراشـي
بلـوه شعـار القصيـد الخرافـيـش
عن شوف مضمونه يـردك غباشـي
قد قيـل شعـار الحداثـه طرافيـش
وجمهورهم بالضبط مثـل الخياشـي
افكارهم جتهم من أعـداء وحابيـش
ترويـج نـذل ومرتشـي ومتراشـي
قـل للمكـدش لابسيـن الطرابيـش
ماينبت الصبخـا صـدوق الرشاشـي
ياكثر مانسمع من أهـل الوشاويـش
ونصـد عنهـم مانبـى الابتـلاشـي
جيـل الخنـا والمرذلـه والفرافيـش
الكـل منهـم صـار فيـه ارتعاشـي
ماعم:اخـص الفارغيـن المنافيـش
اللي وضـح فيهـم خلـل وارتباشـي
والسبه أصحاب القلـوب المعاشيـش
بالغل حيثـه فالضعـوف امتحاشـي
وأزكى تحياتـي بقـافٍ علـى أيـش
الصدر والاعجز نظمـه علـى أشـي



سلطان السبيعي