()() ع ـزام ()()

[سعد المسعودي]

مع التحية والتقدير للجميع ..

أنثر أمام أبصاركم .هذه البسيطه ... قد لاترتقي لمسمى قصيده .. بقدر ماهي مشاعر .. والد ..أتجاه أبنه .. فهنا .. كان .. شيء من التأمل بملامح في صورة لــ ,,صغيري / عزام .. (سنتين وأربعة أشهر)الله يحفظه ويرعاه من كل مكروه ولايحرم الجميع من غواليهم ..
.. .. لأعلم .. كيف سافرت مع خيال عزام ..كل ماأذكره إنني أستشفيت من نظرته .. للبعد .. وكأنه يشوح لشيء .. لن يراه قريبا ً .. فتجاوزت حدود التأمل . وهجرست مع الإستشفاف .. فلاعلم وكأنني بعيداً عن مايسمى بالشعر .. حين أطلقت لعنان الفكر بكل حريه لأجده يترجم ..مشاعر لاشعر ..ولكن ,أجزمت بإن لأغير ساكن على ماكتبني .. هكذا .. ولن أراعي بها أي تعديل ..لإيماني بإنها من كتبت ..لأكتبت .. فأقبولها كمشاعر ..إن طاحت دون هقوة الشعر ,,, ..لمحاكاة ..أحاسيس والد ..أتجاه أصغر أبنائه .. ..







///

////

////




عزام قبل صدوف الأيام يبدن =وأقفي عن الدنيا وأشد الرحايل
ومنيتي في سدّهن يوم يردن = سنّه خذت قبلي شعوب وفصايل
أخذن رسل قبلي وأنا كيف ينسن= والموت سنه مالها من بدايل
لاقضى المكتوب بالعمر يقفن = ولاأحد يخلد في حياته وزايل
أما أنت ولاابوك فالقلب يجفن= ودليلهن فالعين والضول ضايل
عينٍٍٍٍ غفت وعيون بالدمع يبكن = وفالجوف منها تاتذوق الغلايل
عزام أنا بوصيك ياصغيّر السن = وصية ٍ ترقابها كل طايل
الدين صونه والفرايض لها صن = وبلسان قولك ياوفي الخصايل
وفي والدينك خير ثنتين يكفن=الطاعه العظمى رضاهم فضايل
وأحذر من أقدامك على الشوك ياطن = درب الخطا فالدرب يمشيه مايل
أسلك مسالك درب الأقدام وأفطن = منهاج ساسك خير كل الدلايل
وقدر الكرم للضيف حيل ٍ يحطن = والطيبه مكسب زبون الفعايل
وفنجال كيف مخضبٍ بأشقر البن = يبري صدورٍ من شقاها علايل
والطيب يجزى طيب والصاع بالمن = وتفوز به مع يابسين البلايل
وأخذر يمينك لاعطت مايجي من = ولاترتجي فالصنع رد الجمايل
وأحذر من الغرات والشك والضن = والستر يرفى عنك كشف الخمايل
وأحذر من دروب المناقيد وأذهن = وأعرض عن الهراج لاجاك عايل
وأحشم وقارك فاللحاء لك يحشمن = وأترك ردياً مكسبه للفشايل
وأحذر من اللي فالوجه ضحكته سن = طعنه قفاء لأقفيت خبث العمايل
وأحذر وكالة من يسند على هن = نقال عن ماقيل في قول قايل
وأبعد بشوحك فالنظر لين يزمن = رووسٍ تعلت وأعتلت كل طايل
ويالله عسى سهموم المنايا يعدّن = بأمر الولي دعواي ياخير سايل


الحرالأشقر