بغداد

[سلطان الحضبي]

هذه القصيده موجهه لي من الاخ الشاعر:سهل مناحي الحزيمي

البارحه يوم كلاٍ هملجت عينه= ماذاقت النوم عيني ويش مسهرها
يالحضبي الوقت كاثرتٍ عواوينه=ماهيب دعوٍ تغير لجل اغيرها
القدس يصرخ مثل صرخت فلسطينه= واغضي واسكر اسموعي لاتفجرها
وبغداد راحت ضحية بطش ورهينه=تلوث الجو من كثرت مجازرها
وضعٍ يشيّب رضيع الديد ياشينه= ماعاد تعرف جثثها من ذخايرها
ياذخر شيخٍ ثقيلاتٍ موازينه= انخ الحكومه وانا وانته عساكرها
منير جدك موثقتٍ براهينه= مقدم قبيله تشيره مايشاورها
والرجل مايقبل الميله على دينه=متى على الله هل البصره تطهرها
لاصار مال الهوا بقلوبهم عينه=بس العرب ويش اسوي في ضمايرها
زمنّك قاسي وقاسيةٍ سكاكينه= واعظام الاسلام عدوانه تكسرها
كلاً يقول اصبروا والجرح مخفينه=الله على حسن تدبيره يدبرها


رديت عليه،

البارح الليل كل الناس ممسينه=الا الحزيمي سهر عينه مسامرها
يقول وقت الغرايب ياكثر بينه=غيبه يحارب اعبادٍ مايخبرها
يشوف قتلا الشعوب ايسار ويمينه=خص اهل الدين مليانه مقابرها
يصيح وضع العرب شينه غلب زينه=ينخا الغيورين وفواده يصبرها
يشر لبغداد محتله ومسكينه=والقدس تصرخ من اولها ليا آخرها
الوضع ذا ياسهل مانا براضينه=وكسور الاسلام بأمر الله نجبرها
حنا هل الدين بالأرواح فادينه=حرابة الشرك واحزابه ندمرها
أمة محمد هل التقوى على دينه= تسير للنصر والواقع يسيرها
ولو كان وقت الشقى ضاعت عناوينه= وعباد الاصنام تزجر في منابرها
النصر لابد ماتذن مواذينه= بنهاية الملحدين وقطع دابرها
نصرٍ يجي من عليم الغيب في حينه= ومن دار الاسلام قوم الكفر يظهرها
ندعيه دايم ونسجد له وراجينه=يفني هل الظلم واهل العدل ينصرها


وسلامتكم،،


سلطان الحضبي،