الممشى

[سلطان الحضبي]

هذه القصيده موجهه لي من الاخ العزيزالشاعر:عبدالرحمن بن عبدالهادي الغبيوي،


يا الله اني طالبك ياعظيم وياجليل=ياكريمٍ بالعطا ما يخيب من رجاه
أطلبك ياربنا جنتك والسلسبيل= يامجيب لدعوة العبد لامنه دعاه
الذنوب اللي علي كل صبح وكل ليل=طالبه غفرانها مالنا ربٍ سواه
وبعد هذا يابو خالد ترى حان الرحيل= حان وقت البر والصدر واصل منتهاه
فوق فكس آرٍ جديدٍ ولاجاله مثيل=منتقيه البازعي منوةٍ للي شراه
أختيار البازعي مانبى غيره بديل=وارد اليابان دايم رفيعٍ مستواه
الوكيل المعتمد مانبى غيره وكيل= اخلص بنوع الجيوب الجديده وانتقاه
شوفة البر الفلا تبري القلب العليل= في فياضٍ عشبها ماحدٍ قدمك مشاه
ما حلا المقيال والفي تو انه يميل=تحت هاك الطلحه وجوها ما حلا هواه
ما نبى فيها دليله وابو خالد دليل= خوتك يالقرم تكفي وهذا اللي نباه
ناخذ إبها ياخويي ولو وقتٍ قليل=ياعريب الجد قلبي ترى هذا دواه

رديت عليه،
يا الله اني طالبك ياكفيل وياوكيل= ياولي الكون يارب يا باخص خفاه
طالبك تدمح خطاياي يا منج الدخيل= ياعليم الغيب أسالك عن النار النجاه
غاطسٍ فالذنب ماعادلي حيله وحيل= وارجي اللي يغفر أذنوب من يكثر خطاه
بعد هذاه ابو حاتم يبى الخط الطويل=هيضه براق نوٍ تقادح في سماه
منوته شوف الخباري في برٍ جاه سيل= ضاق صدره فالمدينه وفيها الهم جاه
وده بقطع المسافات فوق آخر مديل= جيب فيكس آر ماكل رجالٍ قناه
أحتزم للبر وابشر بممسى مع مقيل= في خلاً خالي يموت الشواوي مارعاه
مبعدٍ خده عن الناس ميلٍ بعد ميل=صافياً جوه عن المدن والريف وغثاه
ناخذ ابه ايام والبرق يبرق فالمخيل= والمطر هتان واللي قبل ما نـش ماه
محلا الممشى مع البر فالجو الجميل= واجتماعٍ بالمعزه مع اصحاب الصلاه
كل طيّب عن طريق المراجل مايميل= والزمان الشيّن ماحدٍ بسالم من عناه

وسلامتكم،،


سلطان بن مقعد