العتبان

[سلطان الحضبي]

هذه القصيده موجهه لي من الاخ الشاعر: صالح خلف العازمي العتيبي،يقول:
سلامي سلامٍ خص للشاعر الفهمان=سلامٍ بريح العود وبريح ريحانه
سلامٍ من اقصى القلب ويضخه الشريان=على اللي من اصله شاقني طيب قيفانه
رفيع المقام امعرب الخال والجدان=سلايل هل الغلبا خواله وعمانه
ليا قيل منهو قلت رجل الوفا سلطان=ليا قيل وينه قلت في حي سلطانه
ابن مقعد اللي يكرم الجار والضيفان=ويشهد على فعله ضيوفه وجيرانه
شجاعٍ كريمٍ وارثٍ طيبة الشجعان=ورث طيب ابوه و وارثٍ طيب جدانه
ترى المدح فالطيّب سوات القمرلابان=وترى المدح فالرديان ماله ولاخانه
وانا مقصدي واضح صراحه بلا نقصان=أقول الصحيح وكلمة الصدق عنوانه
ولالي مقاصد من ورا المدح في كحيلان=الأ طيّب ابو خالد بفعله وبرهانه
يقوله صدوقٍ مؤمن يلعن الشيطان= قصيده من أقصى القلب من منطق لسانه
سلامي سلامٍ خص لمسخر القيفان= ابو خالد اللي شاقني جزل قيفانه


رديت عليه،



بديت الكلام الزين والفضل للرحمن= جزيل العطايا عالمالغيب سبحانه
تعالى جلاله خالق الجن والانسان= هو اللي يجازي راع الاحسان بحسانه
بعد ماذكرت الواحد المعطي المنان=صخرت القوافي والشعر فك بيبانه
هلا مرحبا ترحيبةٍ بيتها مليان=تراحيب راع الطيب لاجوه ضيفانه
اثني تراحيبي لصالح رفيع الشان= رفيع القدر شرواه ناقف على شانه
حميد السجايا الفاضله في اي مكانٍ كان= على طول قولة نعم ترجح بميزانه
زميلٍ كفو رجال شاعر من العتبان= هل الطيب والطولات علمٍ بوكدانه
خذوا دارهم بالغصب ماهوب بالصفطان=وحموها من العدوان وافعالهم زانه
أقوله وانا ربعي ذرايه طوال ايمان=سبيع اهل الطولات قولٍ ابرهانه
حموا دارهم بالسيف من ماضي الازمان=تواريخ والتاريخ ياصعب نسيانه
وباق القبايل وافيه مابها حقران=وكلٍ تهابه حزة الكون عدوانه
وذلحين في حكم ال سعود الجميع اخوان=عسى الله يعافي قايد الشعب واخوانه
تحت ظلهم عشنا في نعمه وأمن وأمان=ملوك العرب والعدل والخير واعوانه



وسلامتكم،،

سلطان الحضبي،