البن

[سلطان الحضبي]

هذه الابيات أرسلها لي الاخ المنشد المعروف (ابو حاتم) منشد الأناشيد الأسلامية،



القلب ياسلطان فيه امتلامسه= ظفيرته لاجاه هرجٍ يغثه
إبعد عن النمرود تراه نامسه= ليا سمع هرجك يروح ويبثه
هذا ومثله هيس محدٍ يخامسه=لو زان لبسه ميت القلب جثه
الرجل يصبر لو عنى الوقت عامسه= وقلبه لفعل الخير دايم يحثه
والبن الاشقر صبها في ترامسه=و شبوب ناره ما يجي فيه شثه



رديت عليه،



راع النمامه هاجس السو حامسه= أبليس بالوسواس راسه يخثه
السافل ابعد عن مرامسي مرامسه= والخد في وجهه ليا جاك حثّه
ممشاه في ظلماً على طول دامسه=صارت اسنونه من بلاويه لثه
أجرب والجرب يعدي اللي يلامسه=ما ينكسب من عرفه الا المغثه
حظه ردي وعقله الشر طامسه= جذع الشري عرقه من القاع جثه


وسلامتكم،

سلطان الحضبي،