بحرالنوادر

[سلطان الحضبي]

هذه القصيده موجهه لي من الشاعر الكبيرالمعروف: عوض بن نامي

السلمي،بعد أن أهديته نسخه من ديواني الثاني(بحر النوادر) يقول:



سلام يا سلطان ياحر نادر= مابين ابو طيب وخالٍ وعما
اعداد نؤن من مناشيه حادر=خيل خياله واستوى ودلهما
وامطر على الديره وملا المغادر=والارض روية والربيع استتما
أهديت لي ديوان بحر النوادر=ولقيته اسم مطابقاً للمسما
خلا هجوسي بين وارد وصادر=والشعر وهبه والمشاعر تنما
قريحةٍ تحضى بعذب المصادر=وقريحةٍ خرسا وعميا وصما
سلطان يوم انك على الشعر قادر=ولك صارمٍ صاطي وميسم محما
ان طعتني في خدمة الدين بادر=وحمل لهذا الدين فالقلب هما
كلاً عن الدنيا وهلها مغادر=واحدٍ يفوز بمدح واحدٍ يذما
الخير له كادر وللشر كادر=والخير مثلك من هله يا خو شما


رديت عليه:

بديت بسم الله وقافي على أجر= الصدر والا عجز قافي على أما
صعب القوافي فن ماهي مكاجر=وقافٍ صخرته جزل معناه عما
يامرحبا يا اللي للشعار تاجر=رجال ديّن وبالمعرفه ملما
أعداد مانبت الزهر فالحواجر=اهلاً هلا والعلم قافيه علما
من يخلص لربه حظيظٍ مواجر=ممشاه وسط النور ماهو بظلما
الفضل لله يوم ماني بفاجر=وعندي على التقوى عزيمه وهما
للخير انا داعي وللشر زاجر=ودعوتك لي طيبه وقولك مهما
اخلاف ذا دمع الاسى فالمحاجر=باسباب ناسٍ بالتهالك ترما
ضاعوا بعصر العولمه والبياجر=ما منهم اللي بسم مولاه سما
ما عندهم غير القشر والمناجر= واصعب اشوي شربوا سمومٍ يسما
احد من مسنون رؤس الخناجر=وراحوا في دربٍ فيه همٍ وغما
بالنصح ماهي مسكةٍ بالحناجر=شمل الشباب اللي تفرق يلما
وصلوا على اللي عن هل الشرك هاجر=رسولنا اللي عم دينه وتما

وسلامتكم،،

سلطان بن مقعد الحضبي السبيعي،،