عنبر وكادي

[سلطان الحضبي]

موجهه لي من الاخ الشاعر:ضويحي بن سيف الجسامي العتيبي: يقول




هوجست وابدعت بالقيفان=بعد صلاتي على الهادي
سلام يارعي الديوان=اعداد مليون بعدادي
واعداد ماهلت الامزان=واعداد نوٍ برعادي
سلام بالمسك والريحان=ومعطره عنبر وكادي
سلام يامقدم الشجعان=حضبي على رؤس الاشهادي
شيخ حقيقي من السبعان=شجعان من دور الاجدادي
قبيلةٍ تلطم العدوان = انشد عتيبه وابن هادي
وات جا لقحص الرمك ميدان=مابين صادر وورادي
فوق الرمك يلحمون الزان=وسيفٍ للرواح حصادي
فرسان واجدادهم فرسان=اهل المروة والأمجادي
وبالفر والكر بالعيدانمافيهم من يقصر المادي
واليوم جيران يا سلطان=و وقت الجهل راح لاعادي
وكريم وتذبح الخرفان=يمناك لو بالقسى جادي
والمعذره كان ابه نقصان=بالقول ياذخر الأجوادي



رديت عليه،


بديت بسم الله الرحمن =مولاي فعال ما رادي
الخالق الرازق المنان=محصي حياتي وميعادي
قصيدةٍ جت على برهان= تغني عن الشرب والزادي
من شاعرٍ يصخر القيفان=ماهوب جاهل ولاغادي
من لابةٍ فعلهم قد بان=من قبل عصر بن شدادي
وان قيل منهم العتبان=اللي يضدون الاضدادي
واللي جحد فعلهم غلطان= قومٍ لها الطيب ينقادي
قلته وانا ربعي السبعان= اهل مواجيب وامجادي
في عطف بيشه وفي الوديان= وفي رماح ربع لهل الوادي
وفي اديارٍ اخرى طوال ايمان= من لابتي كيد من كادي
علمٍ حقيقي وله وكدان=ماهمنا خصم ومعادي
لاغبّر وحه الزمان وشان=أكرام للموت ورادي
وكل القبايل لها عنوان=بالطيب عربين الاجدادي
واليوم كل العباد اخوان=وبخير شيبان واحفادي
في حكم ال سعود أمن وأمان= والعد في بلادنا سادي



وسلامتكم،،

الحضبي،،