السادات

[سلطان الحضبي]

هذه الابيات موجهه لي من الاخ العزيز:الأستاذ الدكتورالشاعر: عبدالله بن سلطان الحضبي السبيعي:يقول


ياحلو عذب العبارات والراي السديد=من رفيقٍ ما يحط الذرى فوق الذرى
لاندبته جاك لو كلفه دم الوريد= وانت يا سلطان مافيك بيع ومشترى
الرجال اشكال والمرجله حبلٍ مديد= من بغى المرقاد يرقد ومن يسري سرى
لو يريد العبد مافيه غير الله يريد=مايخيب من وثق فيه معبود الورى
نطلب الخيره ولاكل من يقنص يصيد==لو رقينا للثريا رجعنا للثرى
مير من يرضى برزقه ترى هو السعيد=ومن زعل يزعل ومكتوب ربي قد جرى
حط بعض الناس ساده وحط لها عبيد= وحط للسدات سادات تأمر ووزراء
وفا النهايه كل شيٍ على البيداء يبيد=ولايعيش الا علومٍ تقال وتنطرى


رديت عليه،،


خابر انه مايفل الحديد الا الحديد=حي قافٍ بالمعاني على الجزله ضرى
عشت ياساس الرجوله وياللي لي عضيد=ماقفك ينشاف قدام مايرجع ورى
الحظيظ من المخاليق من جاله رصيد=عند ربه يوم الانسان ماقدم يرى
ما يطيع ابليس وابليس ملعونٍ مريد=يغوي الجهال واللي مشوا معه اخسرى
الرجل يصير حبله على العليا جويد=جعلنا بالديّن والطيب والعز اخشرى
بأمر من يحيي عروق الهشيم اللي هميد=كل منا بالمعرفه وبالحكمه قرى
وان دعانا داعي الشعر صخرّنا القصيد= مالحقنا نقد ناقد ولانقد اشعراء
وفا النهايه كل رجال له عقلٍ رشيد= مايقول الا الحقايق ولايوم افترى




وسلامتكم،


سلطان بن مقعد