عند الأمارة

[سلطان الحضبي]

آمل أن تنال أعجابكم،،





ياتل قلـبٍ تلتـل وتـل وانتـل
اسباب من غطا بياضه سمـاره

العام انا واياه شلٍ علـى شـل
واليوم انا واياه عنـد الامـاره

العام انا واياه نمشي علـى دل
واليوم كلٍ رايـحٍ فـي مسـاره

انا على نيتي والاقشر حونشـل
يسرق قصيره مادرى عنه جاره

قولوا لمن يفرش له الورد والزل
بنساه لو يذكر وبتـرك اديـاره

لو عشت فالدنيا لحالي بلا خـل
اخير من خلٍ ضيـاع وخسـاره

يامل قلبٍ ملمـل ومـل وانمـل
تصلاه دايم بين الاضلاع نـاره

عليك ياللـي بالجمـال ايتغـزل
اصل ابدوي وعايشٍ بالحضـاره

ترفٍ عيونه سود لـو ماتكحـل
من يشبحٍ فيه ايحصلـه دمـاره

ابو خدودٍ في دجا الليل تشعـل
اللي بياضه مختلط مع حمّـاره

مالوم دمعي لو على شانه انهل
لاجا يوقف قلـت هـل بغـزاره

انا أشهد انه سلني بالهوا سـل
سل السجين اللي عليه الخفـاره



(سلطان مقعد السبيعي)