الأبطال

[سلطان الحضبي]

مجاره بين الشاعر الاعلامي: تركي المريخي المطيري والشاعر المرحوم: ثامر بن محمد القطيم السبيعي والشاعر: سلطان الحضبي


يقول:المريخي



الناس ماتعطي من الخير ياهلال= الله كريم ويعطي الخير كله
ياصاحبي راحت سوليف وآمال=ياصاحبي بالله وصه وقله
حرفٍ كتبته جا من الطيب يختال=والشعر سيفٍِ في مجاله نسله
وقتٍ مضى كله مروات ورجال=يازين ذاك الوقت يازين دله
واليوم وقتٍ فيه نازل ورحال=أحدٍ رضى بالوقت واحدٍ يمله
صارت سوالفهم عن القيل والقال=وان جاك طيبهم تقل فيه خله
ياهلال لاتشره على بعض الازوال=بعض البشر ياهلال همٍ وعله
احرص على الطيب على كل الاحوال==افرح بشوفه لاتفضل بطله
الطيب نفخر به من اجيال لأجيال= الطيب نوماسٍ ونرفع محله
ماهي سواليفٍ تردد وتنقال= الطيب فعل وكل رحلٍ يدله
يا ما شربنا الطيب فنجال فنجال=الطيب والمعروف فينا جبله
والناس ماتعطي من الخير مثقال= الله كريم ويعطي الخير كله

يقول: القطيم


أقفى شهر واقبل شهر وارقب هلال=والنفس عقب عماسها مسفهله
قافٍ قريته منهجه يشرح البال=قافٍ منقى قايله صاحيله
قولٍ لتركي مايشابه للاقوال=مثل الذهب لاصرف من مصرفله
قيفا، جزلاتٍ ولافيهن اهزال=حبيت أجاريها على منهجله
وقتٍ مضى يوم القسى وأشهب الال=لو هو شقى يازينه وزين حله
وقت الرجال أهل المواقف والافعال= اللي لهم شيمه ومذهب ومله
اللي لهم في قمة المجد منزال=عاشوا بعز ولا لحقهم مذله
والازمان اليوم ياساتر الحال= الطيّب في هالوقت ياقل قله
وقتٍ لراع الطيب مافيه مدخال=احدٍ جهل فالوقت واحدٍ فطله
مجالسٍ للاش والخبل مدهال= اللي تحوس الهرج دقه وجله
اللي تحسب الطيب تمييلة عقال= وكثر النشاء فالثوب مع غترتله
وتزريقة المركى قبل عمٍ وخال=وليا مشى دايم عيونه لظله
لاعل من مثله لقصاف الآجال=حيثٍ موته ياعرب خيرتله
وأستثني اللي للثقيلات شيال= اللي الخصال الطيبة عادتله


يقول: الحضبي



ياهلال انا قمت ارقب هلال بهلال=ياهلال هل هلال بهلال هله
قريت قيفانٍ تبهلل تبهلال= طريها واحد وهي مستقله
نوادرٍ مثل الذهب واثمن المال=قولٍ جزل واهل المعرفه هلّـلّـه
ثامر وتركي كلمة الحق تنقال = الكل منه قال قولٍ محله
الكل منهم ذاكرٍ فعل الابطال= و وقتٍ مضى بمقارنةٍ حاظرله
وجاريتهم من من دون تطويل وجدال= بقوافياً مثل البرد مستهله
من خاطرٍ هجسه براكين زلزال=من لاهبٍ من حاظر ماضيله
لاساقه الهاجس على بدع الامثال = جزل البيوت العاصيه طاوعله
لولا الحكم فالشعر وامثالٍ اجزال= ماشفت راع المعرفه ناظمله
كلٍ يقول بيوت واعراض واطوال=وقولٍ بليا فعل دخان جله
وقتٍ مضى توصف رياجيله جمال= رجالهم فعل الجميل اهدفله
والوقت هذا فيه كاذب ودجال=راع الردى فعل الردى سهمتله
والا الوفي معرب الجد والخال= يافي وفعله بالوفاء شاهدله
من مبتداء الدنيا ليا نشر الاعمال= والوقت هو هو بستقامه وزله
لاشك اعرف انه بالاهوال لانهال= اللي يعادي بالشقى يستحله
الناس تعتبره سبب كل غربال = احدٍ يسبه واحدٍ يستغله
والناس هم اللي سبب كل الاهمال= وين العوايد والوفا والشكله
جيلاً مضى مجالسه كيف وادلال=على الشرف له بالمعزه مظله
الجيل هذا جيل بيجر وجوال=جيل التناقض خل كل شي على اللــه
أستثني اللي فيهم الخير مازال=ومن ماقف اجداده يجي ماقفله
ولا لوم من حده زمانه على الجال=يبى المعالي والليال احبلله
والا الردي يامال قصاف الآجال=لاصار رضٍ بالغبن والمذله
اخلاف ذا من عاش بيشوف الاهوال=سود الليالي مابه احدٍ صفله
راع الوفا مابين الاقفى والاقبال=ريقه نشف عن برطمه مايبله
الصدر ثقب خلال واهمومه اثقال=وسود الليالي مادرى وش نوله
وازكى سلامي عد ماهل همال=نؤن رعد برقه يجي سابقله
وياهلال انا قمت ارقب هلال بهلال=ياهلال هل هلال بهلال هله