اليوم وامس

[سلطان الحضبي]

هذي القصيده هي اول قصيده انظمها في المساجلات ووجهتها للاخ العزيز الشاعر: نايف جايز الحربي

وطرحتها هنا من باب التوثيق والذكرى،،
اقول:

ويش اسوي يابو جايز فالزمان=شان وقتي والليالي مدبره
كل ما قلت اعتدل وقتي وزان=جاه شيٍ ما يليق وعكره
وقتي القاسي علي مايوم لآن=لين راح الحا مثل المسطره
يوم قلبي حط في وسطه مكان= للعذاب اللي فوادي مثبره
أتقلب فالحياه ابلا آمان= وان مشيت ابدرب حظي سكره
ما كتب للعبد وسط للوح كان= لويصيح او دمع عينه ينثره
راضشٍ حكم القدر لو امتحان =راضيٍ لوكان همي مكبره
ماتضجر لو علي الوقت شان=احمد المعبود ربي واشكره

رد


تشتكي لي حظك اللي فيك خان= كيف اسوي به وكيف أسيّره
والله اني مستعدٍ بمتنان=بكل شيٍ استطيعه واقدره
الوفي له حق في اية مكان= يعني لمثلك ما اقول المعذره
لو يطول الليل له صبحٍ يبان= وكل صابر له لياليٍ مسفره
من تمسك في إلهــه واستعان= ماعليه من الحظوظ المعثره
كل شيٍ عند ربك في بيان= اطو صفحات السنين المغبره
واطلب الله فالخفا وايضا البيان= يدمح الزله ومنه المغفره

وهذه ثاني المساجلات
وجهتها للشاعر نفسه،


يا نايف اشكي لك من الخاطر العمس=اللي عليه الهم ماخذ وكاله
همٍ يجيني كل ما غابة الشمس=لا راح عني هم جاني بداله
عزي لقلبٍ فالخفا ينحمس حمس= وعزي لمن مثلي برى الهم حاله
يومن جداي اصفق على الخمس بالخمس= ويومن قلبي مل مما جراله
صحيح هذا اليوم ماهوب مثل امس= دنياً تقلب ما مشت بالعداله



رد




لعل قلبٍ ما شكى الهم للطمس= ولعل من لامك وحيدٍ لحاله
دنياك يا سلطان ماتساوي البنس= لا صار ما فيها آمل واعتداله
اتكل على اللي نزل اركانه الخمس= رب الجميع اللي صعيبٍ مجاله
وعس عدوك تكنسه قدرته كنس= ويفارق الدنيا ويترك حلاله
وصلاة ربي عد ما شعّت الشمس واعداد ماهل المطر من خياله



وتقبلوا تحياتي

( سلطان الحضبي)