ابن سرور

[سلطان الحضبي]

هذي القصيده موجهه لي من الاخ العزيز الاستاذ الشاعر: ذعار بن محمحد الحضبي
بعد ما اهديته نسخه من ديواني الاول(عذب القوافي والطواريق)يقول،



جاني كتابٍ من سلايل كحيلان=تأليف ابن مقعد معاني وغايه
سلطان بن مقعد ليا قيل سلطان=طيّب وله فالطيب مركز ورايه
وعذب القوافي والطواريق ديوان=وانا قريت من اوله للنهايه
اول كتا به للوطن فية عنوان =واخر كتابةللغزل فية شايه
واوسط كتابه ورد من كل بستان=واسلوب راقي معتنى به عنايه
ينحت صخر يبني حجر صح بنيان=وصعب القوافي مهتويها هوايه
نعتز بالديوان في كل ميدان=هذا صحيح ولانبيها داعيه
هذا وتعبيري محبه وسفطان=وبدايته يا طيبها من بدايه




رديت



بديت باسم الله على كل ماكان =علام ماجهربه وعالم خفايه
يا الله يا خالق من الطين الانسان=أسالك تهدينا طريق الهدايه
اخلاف ذا نوادرٍ جت على شان =تزيد في نفسي هناي وصفايه
من شاعرٍ بيته بلاشك مليان= عنده بجزلات المعاني درايه
يفتل وينقض يصخر القاف بتقان=وان صارت الهيجا يجيد الرمايه
عندي على قولي دلايل وبرهان= ماهي مجرد كلمةٍ من خلايه
ذعار راع الطيب فالطايله بان=وارضى الكفو عني جلب لي رضايه
الرجل غاية ملحته قلب ولسان= قد قالها (ابن سرور) مثل الوصايه