جاك

[سلطان الحضبي]

هذه القصيده موجهه لي من الاخ العزيز المرحوم أنشاءالله ، الشاعر: محمد بن مطلق الفطيماني السهلي
يقول::




آه من حظٍ سقط وانهار جرفه= طاح يا سلطان وابطى في مطاحه
في محلٍ ودك انك ماتعرف= من دخل به يشتكي قل ارتياحه
أن طلعت ابسيب وان خشيت غرفه=ذا خبيث وذا بعد مافيه راحه
منه قلبي يالسبيعي يبس حرفه=بينه وبين الهنى يالقرم شاحه
والجفن طول الدهر ماغظ طرفه= جاه من زود العنى همٍ وشاحه
من زمانٍ بالمشاكل زاد سرفه=جا طلاح لي وجنبني صلاحه
جاك ياسلطان خطي وسط زرفه=مختومٍ مابعد طقت شباحه




رديت




وصل خط يا محمد وسط ظرفه=خطك اللي واضحٍ كل الوضاحه
منتقن مضمونه وتنسيق حرفه=اشهد ان قولك تميز بالصراحه
قلت همك حاط بك من كل درفه=والعنى خيم على قلبك وفاحه
مير جعل اللي تبى ورده تخرفه= وتقضي العمر بهناه وبنشراحه
وتجتمع بغزيلٍ حلوه وترفه= وعقب ضييقك يا سهلي تلقى فساحه
ان تهيا شف بالك جرحك ارفه= قرب من حبيت فالدنيا رباحه
كل منا له غرابيله وظرفه=ما يصاح لواحدٍ يسمع صياحه
المقدر لانكتب مافيه صرفه=لاح ياملاحي كثير الهم لاحه
من همومي كن حالي عود قرفه=كل يوم اقول بامشي للبراحه