سلطان الحضبي
03-20-2008, 02:57 PM
ابيات من بعض محاوراتي مع بعض شعراء القلطه
هذي بيني وبين الشاعر : الحميدي بن ناصر الحداري الحربي يقول:
سلا الله بردية وفا تاخذ له مذواع=على سلم الشرف تعمر بناها والله الباني
تفضل يالسيبعي واخذ لك ركعه مع الركاع=وانا بيني وبينك سالفه يا وافي الشاني
قلت
الا يمرحبابك والله الرزاق والشفاع=تراحيب الوفا نجزي بها القاصين والداني
انا ماركع لغير اللي رفع سبع وبسط له قاع=وانا وياك من مده طويله مثل الاخواني
قال:
وسيع المعرفه ما يجهل المدخال والمطلاع=طبوعك لاتغير والعلوم اشكال والواني
نبيع ونشتري والسعر غالي ياطويل الباع=وانا ادري يالسبيعي كل عودٍ فيه دخاني
قلت:
انا رجال مجهل واعرف المصياف والمرباع=وانا مسلم لكن اعرف طبايع كل نصراني
نبيع ونشتري بالجزل قدم الشاري البياع=ونوّفي يالحميدي لاوقفنا كل دياني
وهذي بيني وبين الشاعر فلاح الحنان
اقول:
أنت خصمك مثل سيلٍ مافي دربه قشه= مايهمه راعي اعباده ولاحشاشي
الجمل دايم جمل ياطى السهل والحشه = وابو ناب ليا هدر ينحاش عنه الحاشي
قال
لاتهددنا ترانا نغرق من الرشه=المطر لاجا غرقنا لو مغير ارشاشي
ذي اسوات الحافي اللي ساكنن في عشه=مادرى هو يبتني له بيت او يعتاشي
قلت
أشتري وابيع واللي يشتري ما غشه=تاجرٍ ماغش احد يالتجار الغشاشي
بين عصر العولمه واللي ضلوعه هشه=شوكةٍ فاقصى الحشا مالحقها المنقاشي
قال
في حراج السوق مالك حاجةٍ منخشه= لاتحاسب عين ديانك على الارماشي
والله إنا ما نفخنا القربه المنفشه=ليش يالحضبي حديثك للعميل اجراشي
بيني وبين الشاعر ملفي المورقي
قلت
أنت يالمورقي شاعر وعلتك عله= علتك عاصيه ما ينتحصل دواها
عمك اللي يود العلم لاجاك قله =بيحمى الدار وانا داخلينن احماها
قال:
السبيعي يعاتبني وانا في محله=أكثر الناس صايبها بلا وش بلاها
عمي اللي تقوله حصل العزكله=بانين له اقصورٍ تذتري في ذراها
بيني ويبن الشاعر: سالم بن سجمان السبيعي
قال:
قدام يالشاعر الحضبي ولالك مجال=اعلومك اللي تباها منت واصل لها
ما اقول شيٍ على الله غيب هذا سوال = وليا لقيت الاجابه حلها حلها
قلت:
قدام والفضل للمعبود منش الخيال =اللي يسير جميع امورنا كلها
اجابة العلم عندي يشهدون الرجال=ماكل شاعر يابن سحمان يفطن لها
قال:
المستعان الله الوالي على كل حال=واللي يبى جنة الفردوس يعمل لها
اجابتك ما تطوف ولا ادعي بالكمال= وان كان ماهيب حكمه ماتنازلها
قلت:
بكره تجيك العلوم الثبت مابه جدال= وابعدك عن ساحة الميدان واحتلها
تبى تطوفك ولا لك حيلةٍ وحتيال =لكن قل للهجوس اللي معك قلها
هذي بيني وبين الشاعر : الحميدي بن ناصر الحداري الحربي يقول:
سلا الله بردية وفا تاخذ له مذواع=على سلم الشرف تعمر بناها والله الباني
تفضل يالسيبعي واخذ لك ركعه مع الركاع=وانا بيني وبينك سالفه يا وافي الشاني
قلت
الا يمرحبابك والله الرزاق والشفاع=تراحيب الوفا نجزي بها القاصين والداني
انا ماركع لغير اللي رفع سبع وبسط له قاع=وانا وياك من مده طويله مثل الاخواني
قال:
وسيع المعرفه ما يجهل المدخال والمطلاع=طبوعك لاتغير والعلوم اشكال والواني
نبيع ونشتري والسعر غالي ياطويل الباع=وانا ادري يالسبيعي كل عودٍ فيه دخاني
قلت:
انا رجال مجهل واعرف المصياف والمرباع=وانا مسلم لكن اعرف طبايع كل نصراني
نبيع ونشتري بالجزل قدم الشاري البياع=ونوّفي يالحميدي لاوقفنا كل دياني
وهذي بيني وبين الشاعر فلاح الحنان
اقول:
أنت خصمك مثل سيلٍ مافي دربه قشه= مايهمه راعي اعباده ولاحشاشي
الجمل دايم جمل ياطى السهل والحشه = وابو ناب ليا هدر ينحاش عنه الحاشي
قال
لاتهددنا ترانا نغرق من الرشه=المطر لاجا غرقنا لو مغير ارشاشي
ذي اسوات الحافي اللي ساكنن في عشه=مادرى هو يبتني له بيت او يعتاشي
قلت
أشتري وابيع واللي يشتري ما غشه=تاجرٍ ماغش احد يالتجار الغشاشي
بين عصر العولمه واللي ضلوعه هشه=شوكةٍ فاقصى الحشا مالحقها المنقاشي
قال
في حراج السوق مالك حاجةٍ منخشه= لاتحاسب عين ديانك على الارماشي
والله إنا ما نفخنا القربه المنفشه=ليش يالحضبي حديثك للعميل اجراشي
بيني وبين الشاعر ملفي المورقي
قلت
أنت يالمورقي شاعر وعلتك عله= علتك عاصيه ما ينتحصل دواها
عمك اللي يود العلم لاجاك قله =بيحمى الدار وانا داخلينن احماها
قال:
السبيعي يعاتبني وانا في محله=أكثر الناس صايبها بلا وش بلاها
عمي اللي تقوله حصل العزكله=بانين له اقصورٍ تذتري في ذراها
بيني ويبن الشاعر: سالم بن سجمان السبيعي
قال:
قدام يالشاعر الحضبي ولالك مجال=اعلومك اللي تباها منت واصل لها
ما اقول شيٍ على الله غيب هذا سوال = وليا لقيت الاجابه حلها حلها
قلت:
قدام والفضل للمعبود منش الخيال =اللي يسير جميع امورنا كلها
اجابة العلم عندي يشهدون الرجال=ماكل شاعر يابن سحمان يفطن لها
قال:
المستعان الله الوالي على كل حال=واللي يبى جنة الفردوس يعمل لها
اجابتك ما تطوف ولا ادعي بالكمال= وان كان ماهيب حكمه ماتنازلها
قلت:
بكره تجيك العلوم الثبت مابه جدال= وابعدك عن ساحة الميدان واحتلها
تبى تطوفك ولا لك حيلةٍ وحتيال =لكن قل للهجوس اللي معك قلها