المبرمج

[سلطان الحضبي]

ياب الأفراج يالله فرجلي=وارحم الحال واصلح لي اعمالي

يالله انك تسوق الفرج عجلي=قبل ما انجن وانصاب بهبالي

سبعة اعياد محتار يارجلي=واتصبر واشوف الصبر طالي

والمبرمج بالأقوال برمجلي=كل ساعه وانا اعيد الاقوالي

بين قوم الحزازات والدجلي=مالي الأ اتصبر بالامثالي

انسج الشعر والشعر ينسجلي=هاجسٍ لاهبن حامياً صالي

وازعج الدمع والدمع يزعجلي=من غرابيل الايام عزالي

لاتذكرت ماظن مضى مجلي=وشف بالي وربعي ومدهالي

آتبنج وكنه يبنجلي=اشهد انه علي الدهر مالي

يا متى الشر يخرج وانا خرجلي=مخرجٍ فيه ماخشى ولابالي

ويامتى الحظ ينهج وانا انهجلي= منهجٍ فيه ممسى ومقيالي

واسهج البيد بالرجل واسهجلي=تختخٍ مستوٍ سايلٍ خالي

واصل اللي ليا قام يهرجلي=يبعد الهم حيثه هو الغالي

لاتبسم ودنق وهو خجلي= فيه كل الملاحه وهوحالي

داعج العين بعيونه النجلي=سم حالي وانا ناحلٍ حالي

شف بالي خطيرٍ يجيب أجلي=كان بعده براني وهوسالي

شف بالي ماهوب اعشرٍهجلي=ولا رحولٍ للأول مع التالي

غير لطف الحشا لو تدعجلي=ولبس تاج الجمال وتحنالي

قلت شكرٍ دبل لاتسمجلي=ذكرياتٍ معه قدرها عالي

وانت يالعاذل اللي تلجلجلي=خلني عنّك لو زاد غربالي

عندي أفكار مابيك تنتجلي=خلني بين الاقفى والإقبالي

خابر انك عوج لاتعوجلي= سر حالك وانا مالك ومالي

يكفي الحاسد اللي يدوجلي=كنه الظل ماغير يبرالي

لوتتقيت فالليل ينفجلي=ممتحني وانا ضايقٍ بالي





(سلطان الحضبي)