طويق

[سلطان الحضبي]

فصيده موجهه لي من :مسلط الشيباني


سلطان أنا معكم وكني خلاوي =ما عادفيها ياابن الابطال تبريق
يزوع قلبي زوع حر نداوي =يبي المطير وجودته المسابقين
اليا ذكرت اللي بشوفه شفاوي =اكن عبرات تحش المعاليق
وقلبي على طاريه دايم نحاوي=وكثر الطواري حزت العصروشريق
وان قلت انا سجيت صرت امتشاوي =شفت المنازل في الديروالطواريق
والله احبه حب مخلص وناوي= ماهوب حب معلقات العشاريق
ليته معي يامر وبامره سماوي=والله لطيعه لو على الامر ماطيق
ولو اتشكوى ما تفيد الشكاوي=الا على الله واطلبه بالتوافيق
ومن لامني يحتار فيه المداوي=من ضرب خطلان اليدين الملاحيق
واسند على الحضبي بعيد الهقاوي=حلال صعب مجودات الصناديق
وقلي يابو خالد تراني شقاوي=وش حلها يابن الرجال المطاليق
وصلوا عدد ما صبح وجا الليل ضاوي=على محمد سيد كل المخاليق




رديت عليه



بديت بسم الله مجيب الرجاوي=علام ما خفي القلوب المغاليق
يامل قلبٍ فيه للهجس كاوي=يغابه من كثر ما جاه ويفيق
وجدد عنى القلب الصبور الجزاوي=مسلط بقولٍ ثبت ماهوب تلفيق
وابو فهد حراً شجاعٍ جراوي=وشاعر وراسه فوق من غير تدنيق
يالعرم تبغى الراي وانته رهاوي= لاشك ذا رايي لعله لك ايليق
اصبر ودع ربك مجيب الدعاوي= في واسع الجنه يحطه عن الضيق
وان كان همك كبر ضلعٍ زماوي =ولحقك من اصدوف الليالي لواحيق
انا همومي من زمان البلاوي=اكبر من اجبال السراوات وطويق
وان كان تبكي من لشوفه شفاوي=ياما بكينا اهل الوفا والمواثيق
زحول الرجال مزبنين الجلاوي=اللي تعلوا نايفات الشواهيق
عوايد الدنيا قدرها نحاوي=دايم تفرق شمل الاجواد تفريق
أقفت على الحضبي ومعه العطاوي= ووليد بن شويه وربعٍ مطاليق
الكل منهم في نهار العزاوي= له حربةٍ تبتر قصير المعاليق