سبيع

[سلطان الحضبي]

موجهها الاخ: محمد السبيعي


بسم رب السماوت السبع= ادخل السوق واشري به وابيع
ياسلامي على رجلٍ كفو=والف مره كفو له ماكفا
الشجاع النقي فعل وطبع=بن مقعد محمد من سبيع
ماخفاكم وربعه ماخفو=قوم عرف وكرم طيب ووفا
يا محمد يجي نصفه ربع=لاحضرنا ولاغبنا شجيع
اقصد اللي هرج فينا خفو=المنافق جرب وجه وقفا
ان ضربته لهو كنه ضبع= وان نصحته يجنب مايطيع
وان حذف معه الانذال حذفو=معهم اهل الردى واللي هفا
قا له اللي كدر روي وشبع=في ضميره مثل شوك النقيع
من صدوفٍ قديمات ولفو= كل مانهى عنى غيره لفا


رد


إدخل السوق واشتربه وبع=بسم ربٍ جعل قدرك رفيع
مرحبا عد حجاجٍ لفو= وعد من زار زمزم والصفا
ببن عمي وذخري فالربع= راعي الطيب يدرون الجميع
راس من روس ربعٍ شرفو =للمعالي ومن بيت اشرفا
يابو خالد تجي عشره سبع=زبدة الظل فالشرقه تميع
اقصد اللي ليا جينا اختفو= المنافق وهراج القفا
ذي طيورٍ مناقرها جبع=بوم والبوم ما يكسب نفيع
أنت تكرم لكن هم اضعفو= معتلي والضعيفين اضعفا
كلمة الحق نطبعها طبع= نطبع الصدق والكذبه تضيع
وخلعة الضرس لوجاعه شفو= وسفه الانذال يالطيّب شفا