الحج

[سلطان الحضبي]

هذه القصيده للشاعر:محمد بن ناصر العريني
يمدح الحضوب شيوخ البعاجين من سبيع اهل الخرمه
وهو موجهها للاخ الشاعر الاستاذ: عبدالله الحضبي
ولكن الاستاذ عبدالله طلب مني انا الرد يقول العريني،



يابو سعد بلغ سلامي بني ثور=واختص لي ربعك شيوخ البعاجين
إسلم وسلم لي على الربع بالدور=شيبانهم واصغارهم يالكريمين
بلغ تحياتٍ كتبناه بسطور=لاهل الوفا والجود ملجا الضعيفين
ربعٍ لكم بالطيب تاريخ وعصور= متوارثينه من شيوخٍ قديمين
يا الله عسى الحيين بافراح وسرور=ومن مات في جنات عدن وبساتين
من لابةٍ بين القبايل لهم دور=ربعي سبيع مطوعين العنيدين
تاريخهم من ماضي الوقت مشهور=أفعالهم تشهد لهم بالميادين
ضد العنيد اللي بدنياه مغرور=سقم الحريب منزحين المعادين
وكل القبايل مابهم نقص وقصور=كل القبايل به رجالٍ عزيزين
ما ننكر المعروف والخط ماثور=خط المراجل فوقه الناس ماشين
تمضي ليال العمر بسنين وشهور=يارب عفوك عند نصب الموازين
في ماقفٍ مافيه ظلمٍ ولاجور=كل البشر يوم الحساب متساوين
عسى عملنا في هاك اليوم مبرور=ياسامعينٍ بالدعاء قولوا آمين


رد يت عليه



يا شاعرٍ عم بسلامه بني ثور= وخص الحضوب اشيوخ كل البعاجين
أهل الكرم والعرف والراي والشهور=واهل الشجاعه والجزالات والدين
يالشاعر اللي قلت قولٍ بلا زود=رجلٍ جزيلٍ من رجالٍ جزيلين
يامرحبابك عد مايظهر النور=ترحيبة ارجال الوفا للوفين
ارسلت لك خطٍ وصلنا على الفور=وصل لعبدالله نزيه النزيهين
مدحتنا واكثرت بالمدح مشكور= ابن سلاطينن تمدح سلاطين
والمدح مايرفع من الناس مثبور= والذم ما يهفي ارجالٍ رفيعين
وانتم وحنا يالعريني من اعصور=ماهوب من ذلحين والناس دارين
إنا هل الغلبا ووراد وصدور=على المنايا للمعادي عمى عين
سبيع بأمر الله لها الطيب مأمؤر=قولٍ على فعلٍ وضح له براهين
وكلٍ عطاه الله من الطيب مقدور=وكل القبايل يابن ناصر عزيزين
من حج قلنا له عسى الحج مبرور= ومن جاد جدنا له على العسر واللين
وقبل تحياتي وربعي بني ثور= زحول الرجال مطوعين العنيدين