كاريكاتير الشعر

[سلطان الحضبي]

هذي الابيات لي بعد نشرت في جريدة البلاد واطلع عليها الشاعر الكبير فلاح الحنان جاراها

أنا اقول،


ميز الانسان عن غيره بعقل وحواس=وفيه ناسٍ ماتميز بعقل ولا تحس
لااسلوب ولا تصرف بقر بجسام ناس=شكل اوادم والحقيقه فقط صوره وحس
كل منهم فيه رجه ومسحه والتماس= وان سالته ليش هذا التلخبط قال بس
وان مشيت لهم بنيه نواياهم اخساس= وان تجنبت المقاريد قالو وين طس
ما يجينا00 مانشوفه اكيد ان جاه باس= يا اما انه مات والا مرض والا حبس
ظنهم بالسو 00من سوهم من دون ساس=ينقدون وهم اساس الدناعه والدنس


مجاراة الحنان



حست الحضبي علينا هزيعه وانتكاس=من سمعت بقول سلطان جفني ما نعس
يابن مقعد جعل يفداك من هرجه طفاس= ياحفيد منير ومنير جلاي العمس
انت في مقاف جدك وابوك من الاساس= عزوةٍ لا سمعها صامل الهده جلس
رافق الاشبال جنب عن وجيه البساس= الأسد أسمه أسد وش يجيبه للهدس
ارتفع والمرجله مالها حد وقياس= في يديك اعنانها00عنها مثل الفرس
ما تجي عليك يا شيخ صده واندساس= وانت مثلك ياحمر العين بيّن ما يدس
لاتسمع في هروجٍ وطيه وانت راس= لو تبرق في الأزاويل ياكثر الهيّس
أكثر العربان يقبس من الهرج اقتباس= يستمع وش قال ويجيك ويدق الجرس
مهنته نقل الخبر ويتكلم في حماس= لو تقول اسكت تلوت ضلوعه وانحمس
ما لقى له غيرها شي يخضر باليباس= مادرى أن الهرج فالناس مذخور الفلس