الفلك

[سلطان الحضبي]

هذي القصيده لي موجهها للشاعر الكبير: غازي بن دخيل الله بن عون الرويس
أقول:


بديت بسم الله وقافي على را=وابدعت في تصخير قافي على الرا
طرقت قافٍ قابلٍ للمجارا= ماينقضه قافٍ على الرا معرا
صدر وعجز طرقٍ على را تبارا=يعلعن شقيقٍ من شقيقه تبرا
ما أسند وانا تاجر على اللي فقارا= واللي وقف منداش واللي مسرا
اسند على بن عون ملجا الحيارا=لوكان ماعرفه عنه خيرٍ وشرا
لاشك معجبني بقوله أخيارا=لو للشعر قاري قصيده يقرا
له بالطروق الكايدات اقتدارا=شاعر بحر شعره نوادر ودرا
يختار من جزل المعاني ابكارا= يقطف ثمر مالق له ما تذرا
شاعر وله قدر ومكان ووقارا= اللي محله للنشامى مقرا
من لابةٍ يوم القشر والقشارا=عدوهم منهم ذليلٍ معرا
عتيبه هل الطولات في كل دارا= قولٍ على اهل المعرفه ما يغرا
يردون حوض الموت فوق المهارا=واللي يوراله لجوله يورا
قلته وانا ربعي نها المثارا= عدوهم لحروبهم مايتجرا
بالمرهفات اللي صنعها النصارا=حريبهم منهم اجنوبه تفرا
يردون حوض الموت وضح النهارا =ربعي هل الطولات خيرٍ وشرا
وباق القبايل يوم وقت الممارا=مامنهم اللي عن حريبه تدرا
واليوم في ظل الملوك الحرارا= السعود الامن قد استقرا
وعقب القشر صرنا اخوان وخشارا=الامن ضافي والقشر ما يطرا
اخلاف ذا من عاش لابد يارا= ويشيب راسه بين فرٍ وكرا
تلوي بنا الدنيا نهارٍ جهارا=ولابه عن القدره ملاذ او مفرا
صاحين من صكات بقعا سكارا=ذقنا العذاب ولذهاب انتحرا
ومادام غازي من رجالٍ قدارا=من باع في سوق العوارف تشرا
ودي برايه في زمانٍ توارا=وقت الغرايب زود الحر حرا
والراي من غازي شرف وافتخارا=قول الجزاله عن سواها يبرا
احترت في دنيا الفنى والدمارا= تلعب على الحبلين جهرٍ وسرا
لو قلت زانت جرعتني مرارا= تخفي ورا كاس الحلا كاس مرا
وان قلت وقتي عن عناي استخارا=جدد عذابه لي ودبل وثرا
ياوقت حط اسمي بكشف الكدارا=وعرضني اللوعات داخل وبرا
ولاتحطني عبرة ردي بختصارا= لاتخلي الجاهل علي ايتزرا
وازكى سلام اللي عيونه سهار= لغازي عدد مايكتب الالف والرا



رد غازي


جا من سلايل محتمين الثبارا=خطٍ يراعه بالمناجه صرا
جامن حفيد منير ستر العذرا=مفتر عزوم اللي بنفسه يورا
الخيل من صوته يجيها ذعارا=لاكثرة العزوه بساره وسرا
من شجرة الغلبا حصون الديارا=عفو جوانبها مزارع وبرا
من ابو اسنون الى شمال الزبارا=في ظلهم يكبر ظهر كل عرا
ولا يجهل افعول القروم الدجارا= ياود من يجهل جمادا وغرا
امجادهم تشد العلم فوق نارا=او برق غيثٍ تالي اليل سرا
احرار مافيم فصيلة وكارا=والحر ضارٍ للفعل ما يضرا
واللي عن الامجاد صدو يسارا= زاج اليرا في مدحهم ما يجرا
المدح فيهم لو يضير ضيارا= ينفر ولا يلزق بهم لو يغرا
وسلطان لجدوده تقفا الاثارا= ونهج على منهاجهم واستمرا
وارسلي اللي مثل سور الحوارا=مشاعرٍ داخل اغلافٍ مزرا
والكاشفه واللي عليه استارا= تراه يعرف سنها من تفرا
وبعد فلقت اصداف لؤل المحارا=ديد الشعر من زايد الشوق درا
وما حزت من صيده بعد ماستذارا=لعله يناسب لسامع وقرا
ويوم بن مقعد خصني ماستشارا= يقول في تال الدهر وش نورا
وجهة نظرنا ماعليها غبارا=بيضٍ جليه في طرفها تمرا
الوقت يا سلطان ماله قرارا= من خلقة آدم بين سراٍ وضرا
مر لهل البحرين فيه انتصارا= ومر النصر لهل الزبير وسامرا
واللي حمو بالسيف بيض الحبارا= على بقايا أثارهم ماتمرا
قد جالهم عزٍ طويل الجدارا =ودار الدهر وانهار ساسه وخرا
واليوم حنا في رخا وازدهارا=في بيت عزٍ بالشريعه مذرا
بحكم هل العوجا طوال العمارا=في أمن وفي نعمه وسرٍ وقرا
وأنكان حسك من زمانك ضرارا= فاسمع بعد جا للسوالف مجرا
ترى الشدايد للرجال اختبارا= والجايزه للي على الجود صرا
كم ناسٍ اطوالٍ عراضٍ كبارا= واسمان لكن فالشدايد تهرا
وكم واحدٍ فالصبرمثل الحجارا=لو ظرفه ادها من ظروفك وأمرا
لكن عليك الصبر والانتظارا= واللي يبر بوالدينه يبرا
والعز لو داره بعيد المزارا= اجعل ديارٍ دون داره ممرا
وشم للعلا واسلك شريف المسارا=ولاتنزعج من قول فاجر وبرا
ولدري ولو دار الفلك واستدارا=وشفت السعد حدرك فراشه يشرا
ودنياك يا سلطان خيبة دبارا= ممر مالحدٍ عليها مقرا
ويكفي عن اطوال الكلام القصارا= وتكفيك الاشاره ليا صرت حرا
وختم الكلام بذكر منش الثمارا=الواحد اللي في عراه انتعرا


وسلامتكم،،،،،،،