قسمــة ونصيـــب

[غرام القوافي]

والله حبك ياحبيبي في حياتي لا يزل= ولابغيت ابعد ولكن كل شي قسمة ونصيب
ولاتظن أني بدونك ارتوي شهد العسل= الله يعلم كيف حالي حيرت شيخ وطبيب
يوم جيتك في يديني قلب مجروح وذبل = والمدامع في عيوني تشتعل نار ولهيب
ماتركت لجل أخونك وأنتَ شمسي والأمل= وماظن غيرك رجيته بعد ربي ياحبيب
ولا بغيت أرحل بدون موادعك لو في مهل = كل خوفي لا تراجع بعد حسيتك قريب
لاتقول أني ظلمتك وماخذه حكمي بجهل= كم رجيتك ياحبيبي تشفي القلب العطيب
كل ماجيتك بشوقي شفت شوقك به شلل= عاجزٍ حتى بشعورك صايرٍ طبعك غريب
حتى قلبي يشتكي لي.؟! ليه خلي ماسأل= ياترى شلي تغير ..؟ وليه خلاني صويب.؟
مادريت إني بدونك أم فاقدة ٍ طفل = ترتجي شمة هدومه ... والثمن عمره يغيب
قلت : يمكن هو رصيد في حسابه لي نزل..!! = ولا حبي ياحياتي ابتدى عندك يشيب؟
ياحبيبي شف كلامك صار سبك لي غزل= تنفعل ترضي غرورك وتنتظر مني أجيب
شوف صمتي هو جوابي دام بوحي لك هزل= نفترق والحب باقي ..خيرٍ من حب ٍ يعيب
وأنا مثلك ياحبيبي أرتجي لم الشمل= ولابغيت ابعد ولكن كل شي قسمة ونصيب


غ ــــرام