((((() ماهو بكيفي ()))))

[عايض الرشيدي]

وحالي اللي مثل حال الأسيري=اللي عظامه ماتشيله من الخوف
لذ الكرى ياصاح حارب نظيري=بيني وبينه يافتى الجود عاصوف
لاعاد يوم العيد جاله بشيري=مسرور حتى اللي ماهو فيه مكلوف
وأنا كتم جوّي وقرّب مصيري=عن مايريد القلب مبعد ومشفوف
ماهو بكيفي مير عرقل مسيري=ليلة دجاء عنها القمر صار مخسوف
الحق إلي لكن عوّد لغيري=حيث أن قاضي الحق مافيه معروف
حظي برئ ماني بذنبه خشيري=جنّب طريق الحق والحق مكشوف
وأنا شقى قلبي وغاية ضميري=روضة زهر قفر(ن)مع الوسم مصيوف
لكن عن المقسوم مالي مطيري=ولالي على الدنيا مشاريه واحسوف
الصّبر أخير وماكتب لي يصيري=أجحد معي صدمات الأيام يانوف
عل وعسى حبل الفلك يستديري=يمحى الظلام اللي يغطي على الشوف