(((() في رموشه بيرق السّلم ())))

[عايض الرشيدي]

آه لو ما رحت للحفل ضيف مع الضيـوف=ماكفـخ طيـري جناحـه ولا رد بعـنـاه
ميرساقتني صـدوف الليالـي والحتـوف=خير وألا شر هذا النصيـب اللـي رمـاه
اعترض لي قايد الخشف تتليه الخشـوف=الحـلا والنـور كلـه بوجهـه والبـراه
في رموشه بيرق السلم والماع السيـوف=وفي حجاجينه ياحلو الزعل وأحلا ارضـاه
يوم سلهم شفت في عين امان وعين خوف=كن مـا يخطـر ببالـي وصلـت لمنتهـاه
إن نطحته من قدم ويش باقي ويش أشوف=كل وصف(ن)فيه راع الهوى يبحث خفـاه
وإن قفيته ضعت بين الردايـف والكتـوف=مبرم الساقين ياويـل مـن يمشـي وراه
كل لون بشكل ينساب وتضيـع الوصـوف=كامل الأوصاف جل وتعالـى مـن عطـاه
كنه تشيله من الأرض راحـات الكفـوف=القمروالليل الأسـود معـه تحـت العبـاه