ضـــــــيعــــــــــــــــــــــت بـــــابـــــــــــه

[محمد المضيبري]

معقول مثلك يجهل الحب معقول=بعد التعب بعد السهر والكآبه

عزيت حبك بعد ما كان مذلول=وحطيت لك في عز نفسي مهابــــه

وقضيت وقتي دايمٍ فيك مشغول =واتعبت يدي بالقلم والكتابــه

وياما رجيتك كل ساعة وانا اقول=في مجلسي واقول طول غيابه

وهذي النهاية تنهي الحب وتقول=نفسي ونفسك بالهوى ماتشابه

وتاه الفكر مابين سائل ومسؤول=واللي سأل واللي يرد الإجابه

وسؤال واحد ياترى وين محلول=العاشق اللي هـم قلبه سرابـــه

مدري حلم مدري وهم شئ مجهول=مدري سراب اللال مدري سحابــه

اثر الهوى سيفٍ من النار مسلول= ماصابني حـده كـواني نصابه

وصرت الضحية من عنا الوقت مقتول=أنــقل معي قـلبٍ عميقٍ صوابــه

أضحك مع العالم واجامل على طول=واللي بـوسط القلب محـدٍ درابـه

أدور المخراج بالعرض والطول=دخلت مع دربٍ وضيعت بابــــــه