(((() شفت الرسوم ())))

[عايض الرشيدي]

يوم الخميس أقشر نهار بزماني=رمتبي الصدفه على دار خلّي
ياليتني جنبت مع درب ثاني=والله ماودي على ماحصلّي
مير النصيب اللي بدربي حداني=كنه على درب السنع واقفلّي
على منازل نور عيني رماني=شفت الرسوم كنهن يضحكلّي
وقفت أسلّي خاطري في مكاني=راح أنشراح البال والهم حلّي
صفقت كف بكف من مادهاني=عيّت تقدم خطوتي عن محلّي
هذا مكانه يوم جيته وجاني=أول نهار المعرفه والتغلّي
ماغير أنا واللي بحبه سباني=لوحدنا ماغير ظلّه وظلّي
عذب الكلام اللي بعمره فداني=وأنا أومملك من فداياه كلّي
لا ماجفيته لا وهو ماجفاني=مير الزمان لعادته مايخلّي