أشـــــــــــوفك على خيــــــــــر

[محمد المضيبري]

.
.
.


لا بد نتواجه وأشوفك على خير
............... مادام رأسي ثابت ٍ في متونـــي

أبقهر اللي يحسبون المخاسير
..............اللي على دروب الغدر ينصحوني

ماهمني طول العناء والمشاوير
.............أبيعهم بأرخص ثمن ما شروني

نذر ٍ عليّ وكل شئ لو يصير
..............مقصر خطأ رجلي ولو حاربوني

إلا بحاجة لا خذتك المقادير
............. تبي تروح ولا تشوفك عيوني

ولو شفتنا عبر الليالي مدابير
............حذراك من ظنّ ٍيخيب ظنونــي

لابد ما نارد ونرجع مصادير
.............يمك ويم عيونك اللي خذونــي

وإن جاك عذالي على حزة عصير
............... تجاهل الموقف ولو يذكروني

وإذا حداك الوقت قل خير ياطير
...............هذاك باقي صورته بالجفوني

علمهم أنك شخص تفرق عن الغير
..............باق ٍ على عهد الوفاء ما تخوني

.
.
.