وهذه مصافحتي الأولى لذائقتكم: لعبـــة الحـــظ

[نبــــــض]

عذاب الحب في قلبي حرق صبري ولوّعني=على محبوب ما يذكر زمان من الولع دافـي
زمان اللي بتدليله..خـذا عقلـي وطوّعنـي=وجدّد في رُبا قلبي بساتين الهـوى الخافـي
الا يا بسمة الدنيا عسى يـااارب تسمعنـي=أناديلك من أعماقي : تعال من البعد كافـي!
طرت في خاطري ذكرى على دربك ترجّعني=وترميني بليّا حيل..فراشي الوجـد ولحافـي
قليل الحظ من يومي،ولاقد يـوم طاوعنـي=وقرّب لي حبيبي اللي كلامه بلسمي الشافـي
يمنّيني علـى اللقيـا يلاعبنـي ويخدعنـي=يصوّر لي اللقا لحظة..ويرجع واقعي الجافي
ويرسم لي معاك أحوال ..تعطيني وتمنعنـي=وأنا المجنون من شوقي فِبحرك طاح مجدافي
غرقت ولا لقيت اللي منْ بْحـورك يطلّعنـي=وصرت أشوفك بعيني (حقيقة وهم)واطيافي
حسافة يا بخيل أقفى عن أيامـي وودّعنـي=سقاني المر في عمري وسقيته حبي الصافي