بعض البشر ـــ (( .. غــزلــيه ..))

[عبدالرحمن الملعبي]

السلام عليكم ورحمة الله وبركاته

اقدم قصيده متواضعه وكلي امل ان تنال اعجابكم

ابدي





بعض البشر تفرح وانا دوم محتاس
==من خافقن فيه البلاوى كثيـره
متعلقن فى حب واحد مـن النـاس
==خلن من اسبابه حياتى خطيـره
حبه بوسط القلب مبني على ساس
==ماهو كما حب القلوب الفقيـره
لو كان قلبه بالغلا حيـل حسـاس
==ماكان ولع فى خفوقى سعيـره
اثر الغلا والحب يا زين وسـواس
==وسواس حبه بالليـال الكبيـره
حبك بقلبي عالي ٍ والغلا راس
== هذي نهايه والنهايه عسيره
والخاتمه باللي خلق ناس واجناس
==الواحـد الغفـار ربـي تجيـره



وسلامتكم

اخوكم
الشاعر : عبدالرحمن الملعبي