من أجل التواصل لأكثر .. !! أهديكم جديدي القديم !!


تحيتي :
أميرة القوافي

من أجل التواصل لأكثر .. !! أهديكم جديدي القديم !!


تحيتي :
أميرة القوافي

مجاراه منّي للعلم / سعد بن جدلان

ابو محمد يقول :

انا ويـن ابلقـا يالاجاويـد فاعـل خيـر = حريـصٍ علـى سـر المحبيـن لرسلتـه
امن اول لو اصبر عام ما بان بـي تأثيـر = وهالحين حتى صبر يوميـن مـا احتلتـه
انـا مثـل صقـارٍ تولّـع بحـب الطيـر = ولف قلبـه افـروخ الشياهين وهبلتـه
تولعت فـي فـرخٍ قضيـبٍ يتـل السيـر = ابي لمحـةٍ مـن نظـرة الحـر وإسبلتـه
صغير بسنه غير عندي ماهوب اصغير = يا مغلاه فـي قلبـي ويـا كبـر منزلتـه
اجمع له سمان الهرج خـوفٍ مـن التقصيـر = والا جيت ابشرح لـه كلامـي تهيزلتـه
يجيني منه هيبة محبـه.. سحـى.. تقديـر = اقابلـه عنـدي علـم واروح مـا قلـتـه

وانا اقول :

انا لا لقيت الشاعر اللي فنونه غير = تعاينت فالضلع الطويل وتناولته
احب الصقور اللي لها واجب وتوقير = ولا عمر شوفي رام عالي وما طلته
صحيح ان بن جدلان قمّة من التصوير = يصوّر خيالٍ ليتني ما تخيلته
ولكنّ طيره غير وانا مرامي غير = مرامي غزالٍ شفّ عيني مغازلته
اذا نمت قام يدقّ بين المحاني زير = و إذا قمت صرت اعيد حلمي من اولته
طعني برمح ذياب مدري بسيف الزير = واحب اشتكي له مير ما اقدر مقابلته
عسى اللي منعني عنه يُسجن بلا تقرير = ويُرمى بسجن ويِنجلد فوق طاولته

هب الشمال وغرّد الطير بطروب = وحامت على روس الجبال النوايا
اثارني لحناً على القوس مسحوب = نادى المنادي للجروح الدمايا
غنّى يقول اهل الهوى 0 قلت عذروب = للحب ناس وللخلايق مزايا
ياعاذلي واللي على البال محسوب = يكفر بعلم الشعوذه بالمرايا
ان شفت لك زيتاً على النار مسكوب = هذي ترانيم الخفوق الخفايا
ما لبّسوني جوخ لاعب وملعوب = اكسب وداد الفاتنات الصبايا
جيت اشبع عيوني محطات ودروب = لو عادت خيولي تعاب وحفايا
جيت انثر ابداعي مسرّات وطيوب = اروي شغف بيض القلوب الظمايا
جيت اغرس الزيتون بالارض منصوب = جيت ازرع الورده بقرب الركايا
جيت اعدل المعنى وهو كان مقلوب = بأيدين من يشحذ بخيلاً عطايا
جيت اثبت ان العدل للناس مرغوب = وان القصايد ذوق ماهي حمايا
حضر معي من معشر الجن مندوب = اسلم وقدّم لي قصيد وهدايا
جرير وقّع لي بيمناه مغلوب = وسقراط يرسل لي سلام وتحايا
والشنفرى غادر من الدار بهروب = ولقمان وصّاني ثمين الوصايا
اخاطب العقّال بأفكار واسلوب = ماني مكلّف بالعقول الخوايا
بعض البشر لو شفتها ما لها قلوب = الله يعلم وش تضم الحنايا
يالاعب الشطرنج خاسر ومكسوب = مامات لك جندي فقدت السرايا
مات الوزير وسيّد القصر مصلوب = قضا القضا هذا رسول المنايا
سوط العذاب اللي على الروس مصبوب = هذا نذير الحرب موت ورزايا
سر الحياة بقبض الارواح مصحوب = ما يكفي السفّاح ذبح الضحايا
ما يسلم النمرود لو قال ابا اتوب = كفراً غشى قلبه بقى له بقايا
تابوت موسى وين ماراح مطلوب = سارت على طاريه فلك ومطايا
آدم من اصلابه على الكوكب اشعوب = ما جابهم قوقل بكل الزوايا
الرابط اللي بينهم جين مكتوب = علم الاجنّه وانشطار الخلايا
كما نشوف من البشر نقص وعيوب = مثله نشوف من المكارم سجايا
شكوى الضعيف اللي على الوجه مضروب = هزّت حمورابي وسوّت سوايا
دمعة يتيماً بين الاشرار مرعوب = تقصر بها اعماراً وتكبر خطايا

: الحوار هو أعلى المهارات الاجتماعية قيمةً، وتُعرَف قيمة الشيء بمعرفة قيمة المنسوب إليهم. والحوار هو عمل الأنبياء، والعلماء، والمفكرين، وقادة السياسة، ورجال الأعمال، والمربين، وهو أساس لنجاح الأب مع إبنة، والزوج مع زوجه، والصديق مع أخيه، والأمة الناهضة هي الأمة التي تشيع فيها ثقافة الحوار بين أبنائها، وكلما ابتعدت الأمة عن فتح آفاق الحوار عانت من الأمراض الاجتماعية ( التسلط، الذل، الكذب، المخادعة .. الخ).
وكلما ابتعد الفرد عن التعبير عن الذات بالحوار السليم عانى من العقد النفسية والاضطرابات.

كيف تتعلم فن الحوار:
المحاولة والخطأ: وهي طريقة أكثر شيوعاً، وأطولها وقتاً، وتعرضك لمخاطر أن تجرب طرقاً غير سوية ثم تكتشف خطأها، ولكنها أساسية في تكوين الخبرة الإنسانية.
التعلم من خلال النموذج: بالبحث عن المتميزين في مهارات الحوار، ومراقبة سلوكهم بدقة، ومحاولة تقليده. سواء كان هؤلاء أشخاصاً تراهم حولك أو تشاهدهم في وسائل الإعلام، أو تقرأ عن حياتهم في الكتب. صور سيئة في الحوار:
حوار التعجيز: طلب السلبيات في الآخر.
الجدل البيزنطي: محاولة التفوق على الخصم بأي وسيلة.
حوار الاستكبار " أعلى – أدنى ": وهو حوار قائم على تسلط طرف على طرف، (آمر ومستجيب). ومنه قول فرعون: ما أريكم إلا ما أرى وما أهديكم إلا سبيل الرشاد.
حوار الذل " أدنى أعلى ": ويقوم فيه الطرف الأدنى بتملق الأعلى بصورة تفقد كلا الطرفين كرامتهما الإنسانية.
الحوار السطحي: كلمني .. ولكن لا تلمس العمق.
الحوار الإقصائي: أتحاور معك، وأنا موقن أنك خطأ.. ولكني أحاول إفهامك .. ولست مستعداً لأن تُفهِمني شيئاً لأنني أفهم كل شيء !!
حوار البرج العاجي " حين يتحاور المثقفون بعيداً عن واقع الحياة ": الحوار الأكاديمي في البلاد العربية، رسائل الماجستير والدكتوراه، والأبحاث.
مبادئ الحوار الإيجابي:
للحوار الإيجابي عدة صفات منها أنه:
• موضوعي: يهتم بالموضوع وليس الشخص.
• واقعي: يبحث في الوقائع قبل أن يقفز إلى تأويلها.
• متفائل: لا يفترض سوء الظن، ويتلمس الأفضل.
• صادق: لا يخادع ولا يكذب .
• متكافئ الطرفين: يحترم فيه كل طرف الطرف الآخر ولا يستعلي عليه.
• يفتح باب المحبة، ويقلل من مساحة الخلاف.
• ليكن منطلقك في كل حوار: البحث عن الحق لأتباعه .
• لابد لكل حوار من مرجعية، وإلا تحول إلى جدال مذموم.
• ابدأ في كل حوار بالمساحة المشتركة بينك وبين الآخر، ولا تقفز إلى المختلف فيه أولاً.
• اعتمد مبدأ النسبية، وشعاره قول الإمام الشافعي: "قولي صواب يحتمل الخطأ وقول غيري خطأ يحتمل الصواب".

السلام عليكم
ارجو ان تلاقي خاطرتي المتواضعه قبول جزء يسير من ذائقتكم
وانا لست ضليعا بالخواطر ..
ولكن .. هي بوح ذاتي ارجو تمريره عبر سمو كواكبكم وفضاءات ذوقكم الرفيع
_______________________

السلام عليكم

برغم انني لم استطيع ان اوفيكم حقكم الى الان بالردود على قصيدتي الاولى ..

فقد احببت مصافحتكم بقصيدة ثانيه حبا فيكم واعجابا بهذا الصرح واهله الكرام

القصيده كتابيه :

مرّت سنه والقلب (مِحْرِمْ وصَايـم) = يِخيلْ بَرْقْ الوصـل حولِـك ويمّـكْ
أحيان جـوّه عَـجّ واحيـان غايـم = وحاديه وقته عـن مواريـد جمّـكْ
ميّت على شوفـك ومغـرم وهايـم = ودّه بقربـك ، و إيتمنّـى يضمّـك
وإن طعتنـي دامـه يـردّ النسايـم = (إلحق عليه) ان كان وضعه يهمـكْ؟
ما عاد يسمع فيـك ناصـح ولايِـم = اهـل الـدوادي و الكـلامْ المنَمّـكْ
انـا و عذّالـي مـا غيـر إنتزايـم = ولا أسمح لأحد منهم بكلمـه يذمّـكْ
وان قلت دلّونـي علـى حـلّ دايـم = قالوا لي: (إنسه والعوض بنت عمّكْ)
متى على الله يصبـح الحـظ قايـم = بقـدرة كريـم انـه عليّـه يلمّـكْ
بأمره .. يسوقك من يسوق الغمايـم = من بعد مانبدي على أبـوك وأمّـكْ
بالمال , وإن عيّوا , حَذفْنا العَمايـم = تجي معي لازمـك بأطـراف كِمّـكْ
نفـرح بجمعـة شملنـا و إنتلايـم = وننسى العذاب وكـل همّـي وهمّـك
كنّي بيوم (النصْرْ) وأنت (الغنايـم) = لاصِرت في بيتي .. بلحْمِك ودمّـك

ودمتم بخير