قصيدة الرسول صلى الله عليه وسلم ..

هذه القصيــدة في سيرة الرسول (صلى الله عليه وسلم)
ارجو ان تنال على رضاكم

من بدع فكر" يرد الجزل ويتمه=رديت قيفان شعر" تارد الجمه
قيفان شعر" تعلت عالي القمه=ماتدخل النقد تبعد عنه من داني
ابيوت شعر" مسيسها على معنا=في سيرة اللي على التوحيد جمعنا
اللي بعد غيبته هلت مدامعنا=محمد الهاشمي والساس عدناني
ابيوت شعري على شانه بصخرها=وقصة حياته بنظمها وأسطرها
من البدايه يالين آصل ليا آخرها=لوكان سيرته ماتحصى بتبياني
ولد بمكة وعام الفيل ميعاده=وابوه متوفي" من قبل ميلاده
وزال الحزن يوم جا والا الفرح زاده=وفرحت به أمه وصار الجد فرحاني
ثم جت حليمه تبا أولاد" تربيهم=ولاحصلت معه أحد غيره توديهم
وأخذته من شأن أهلها فيه تأتيهم=وتباركت به وزالت عنها الأحزاني
وربته للينن سن الرابعه تمه=ثم عودت به وحطته ابيدين أمه
ومن بعد حول اسنتين ازتاد به همه=توفت أمه وهل ادموع الأعياني
وأخذه ورباه عبدالمطلب جده=عزه وحبه ولكنه ماأخذ مده
بعد حوال اسنتين الموت ماهده=وصا ابوطالب عليه ومات مرضاني
وأخذه ابوطالب و حطه مع اعياله=رباه لو هو يقال قليل" ماله
ودافع عنه وارخص اله الروح تفداله=بقى يدافع عنه في طول الازماني
ويوم" عمره وصل حول أثنعش عامي=سافر مع العم يبغى ديرة الشامي
ومن بعد عودته قام برعي الأغنامي=عشان عن عمه يخفف بالاثماني
وبعد ثلاثة عوام" شارك اعمامه=ودافع عن ارض الحرم بالروح وسهامه
ومن بعد ماكمل العشرين بعوامه=حضر بحلف الفضول بدار جدعاني
ومن بعد خمسة عوام الشام سافرله=يبغى التجاره ورب البيت يسرله
واجه خديجه ورب الكون قدرله=تزوج ابها بأمر خلاق الأنساني
تزوجت بالأمين وحافظ أيمانه=معروف بمانته مافيه أحد خانه
يصون وعده ورب البيت من صانه=مشهور بمانته في كل الاحياني
ولما رأى محمد اللي صار في قومه=تضايق وزاد ضيقه كثرة اهمومه
شاف ان قومه عن التوحيد منجومه=لإنهم كانو يعبدون الأوثاني
وحط اله غار" بوسطه يعبد الوالي=غار" يسمى حراء ولأسم مازالي
يعبد ولي" يخل المزن همالي=ماحب الأصنام قاصيها مع الداني
وفالأربعين النبوه جت مواريها=عليه بانت من أولها لتاليها
بانت على وجه وبانت شواريها=اليا رأى رؤيته فالغد تنباني
وفي ليلة القدر جاء جبريل نازله=وهوه بغاره يعبد مداوي العله
والوحي من عند محي الميت حوله=من عند من يعرف المجني من الجاني
وعود لبيته وقلبه زايد ارجافه=يقول غطوني وغطوه بلحافه
وعلم خديجه عن اللي فالجبل شافه=ثم وقفت وقفت الملفي مع العاني
وترى اول آية من القرآن تنزله=اهي العلق مثبته فالكتب بدله
جت بأمر من ماش ظل الا سوا ظله=اللي ومر بالشرع سنه وقرآني
وأمره رب الملا ربعه يناديهم=وبامر الرساله طلب بانه يحاكيهم
ونادى القرايب وقال وهو ينابيهم=إني رسول الله ادعوكم للايماني
ومعاه ابوبكر وقف وقفت" تذكر=وقف على شان توحيد الولي ينشر
ماهاب موته بروحه كلبوها اعذر=ونصرهم اللي يجاز الطيب بحساني
لكن معظم قريش اعرض ولاطاعه=طغو وقالو كلامه كله إشاعه
مافيه بعد الممات احساب مع ساعه=وأشتد آذى قريش من ربع" وعدواني
ثم هاجر إلى النجاشي بالمعاويني=هاجر وهاجر معه فوق الثمانيني
ورحبهم ماحسب هم المعاديني=ورد الهدايا على الكفار ماخاني
وصبرمحمد على أذى كل من هانه=من شان توحيد رب" عالي" شانه
وبقى ينادي لتقوى الله سبحانه=ثلاثة أعوام سر وبعدها علاني
ويوم وصلت بعثته عشرة سنواتي=ماتت خديجه وابو طالب بعد ماتي
وزتاد حزنه عليه بكل الاوقاتي=ولا أعترض قال رب البيت رحماني
لكن عمه توفي كافر" بالله=مع ان طه يبا يهديه للمله
حاول يدله على التقوى ولادله=لكن مايهدي الا محص الاكواني
وأشتد أذى الكافرين وزادو آذاهم=ثم راح للطائف وياليت ماجاهم
بالحذف مستقبلينه حين لاقاهم=طغو عليه ورجع بالحيل زعلاني
وعود من الطائف وفي خاطره تكه=وجت معجزة تيقن اللي صايبه شكه
مع السماء أعرجبه إلى القدس من مكه=ليلة الإسرا مع المعراج برهاني
وترى أهل الإيمان بالمعراج محظوظه=فيها الصلوات يااهل العرف مفروضه
وعن اجر خمسين عند الله محفوظه=ويجيب فيها الدعاء الله عالي الشاني
وعود ونادى يهود قريش يوحونه=وعلمهم بقصته وابو يطيعونه
الا بعد مع مدى الايام يذونه=وصبر وقال الله المعبود عواني
وفي موسم الحج يوم الناس مجتمعه=واجه رجال" من الخزرج وتستمعه
سته معاه أسلمو ثم جالهم سمعه=من المدينة وطنهم خير الاوطاني
وقالو ترانا معك مانرجع خلافي=ونخاف علم في سرنا الخافي
ثم ارجعو للمدينة مابهم هافي=وزادو بنشر الرسالة فعل ولساني
وبالهجره أمر محمد كل أنصاره =إلى المدينة ولا احد " ردد اعذاره
وهوه بقى وسط مكه جالس بداره=وجلس معه بوبكر ماكان وحداني
واجتمعو الكافرين وصلحو شوره=لاكن تبقا خططهم دوم معثوره
من كل" قوم " تجي فرسان مشهوره=ثم يضربونه سوا بالسيف شاماني
ورقد علي في فراشه يومهم جوله=ومر وقرا آيات يس وتوحوله
ثم راح من دون لا صوله ولاجوله=رش التراب وبقو فالحال عمياني
وسرى ليثرب بامر معبودنا الوالي=اللي تسمى المدينة وقتنا الحالي
ومعاه ابو بكر يرخص لجله الغالي=ويعبد ولي " يخل المزن هتاني
وجو يثرب وقابلوهم (بعض) آهاليها =وترحيبهم ساير الاحزان يجليها
قالو هلا مرحبا مليار نثنيها=والبدر في جيتك توه ترى باني
وقالو نعاهدك يا محمد رسوله الله=وننشر رسالتك بإذن مبدله الزله
الواحد اللي يعقد الحبل ويحله=وبامر الولي كل قاسي قدمهم لاني
وغزو معه فأشهر الغزوات وأكثرها=ولافيهم اللي وعوده يوم غيرها
ومن بعض غزواتهم بالقاف ابا اذكرها=لوكان ماتنحصي في بدع قيفاني
غزوة تبوك وفتح مكه مع الطائف=وخيبر وغزوة بدر ماجابها خائف
وأحد والأحزاب يبقا ذكرها (نائف)=وحنين والغابه بهااللي قوي هاني
والحمدلله وفضله عم الاسلامي=وقضاء محمد على عباد الاصنامي
وانتشرت رسالته من شام لايامي=بأمر الولي عممت بحصان وسناني
ثم حج حج الوداع وقيل مرحوما =لكن يبقا معانا حي للدوما
وفي سنته نستدل ونرسم رسوما=ولا تبعنا علوم فلان وفلاني
ومن قبل موته خطب والناس يوحونه=ومن بعض ماقال والعالم يشوفونه
ابا اختصر قوله وبجيب مضمونه =اليوم كملت دين الله والاركاني
واللي حداني للقافي يوم غنيته =بسباب شي" رأيته شوف واوحيته
من كافر" جعل فوقه ينهدم بيته=ملعون يالدينمركي حلل العاني
يصوره في كراتين يشوها=يبغى المخاليق برسومه يتوها
وعن ملة الهاشمي يبغى يبوها=شيطان ويسره فالحكم شيطاني
وهذا وصلو على أحمد مبلغ الدعوه=عد النجوم وعدد( تبهيرة القهوه )
واعداد فالجاهلية ماغزت غزوه=واعداد مالاح برق" وسط الامزاني
والعذر بعض الفعول أزريت لاحصيها=في بدع جزل البيوت ازريت اوفيها
سيرته كل القوافي ماتكفيها=ماتنحصي سيرته في جر الالحاني

******** type="****/java******">doPoem(0)الشاعر/عــنـــاد الشيبانـــي